कुडलीत आंब्यांना मोठी मागणी

| सुतारवाडी | वार्ताहर |

सध्या आंब्याचा हंगाम सुरू असून, रोहा तालुक्यात ठिकठिकाणी मोठ्या प्रमाणावर आंबा विक्रीस उपलब्ध आहे. अनेक जण आंब्याची चव चाखण्यासाठी गर्दी करत आहेत. कुडली, ता. रोहा येथील फार्म हाऊसवर मोठ्या प्रमाणावर आंब्याची विक्री होत आहे.

कुडली येथील फार्म हाऊसवर शिरवली, ता. अलिबाग येथील व्यापार्‍याने अगोदर आंब्यांची झाडे खरेदी करून बुकिंग केली होती. नशिबाने यावर्षी उत्तम प्रकारे आंब्याचे पीक आल्याने येथील आंबा वाशी येथे मोठ्या प्रमाणावर विक्रीस जात आहे. एवढेच नाही तर विविध परिसरातील किरकोळ ग्राहकांनीसुद्धा आंब्यांना मोठी पसंती केली असल्यामुळे तेही येथे येऊन मोठ्या प्रमाणावर आंबे खरेदी करत आहेत. आंबे पिकायला अजून थोडा कालावधी असला तरी कच्च्या आंब्याच्या पेट्या ग्राहक घेऊन जात आहेत. आंबा 200, 250, 300, 400, 600 रुपये डझनप्रमाणे विक्री केली जात आहे.