| नवी दिल्ली | वृत्तसंस्था |
टी-20 विश्वचषकाचा मेगा इव्हेंटला सुरुवात होण्याच्या काही दिवसाआधी नेदरलँड्स क्रिकेट संघाने चॅम्पियन श्रीलंकेचा पराभव करून मोठा अपसेट निर्माण केला. टी-20 विश्वचषकापूर्वी नेदरलँड्स आणि श्रीलंका यांच्यात सराव सामना खेळला गेला. या सामन्यात नेदरलँड्सच्या गोलंदाजांसमोर श्रीलंकेचा संघ 161 धावांत गडगडला आणि नेदरलँड्सने 20 धावांनी सामना जिंकला. स्पर्धा सुरू होण्यापूर्वी हा विजय नक्कीच नेदरलँड्स संघातील खेळाडूंचे मनोबलही उंचावेल.
दोन्ही संघांमध्ये खेळल्या गेलेल्या या सामन्यात श्रीलंकेने नाणेफेक जिंकून गोलंदाजीचा निर्णय घेतला. पण त्याचा हा निर्णय चुकीचा ठरला. नेदरलँड्सच्या फलंदाजांनी चमकदार कामगिरी केली. प्रथम फलंदाजी करताना त्याने 20 षटकांत 5 गडी गमावून 181 धावा केल्या. यानंतर त्यांच्या गोलंदाजांकडून उत्कृष्ट गोलंदाजी पाहायला मिळाली आणि श्रीलंकेचा संघ 18.5 षटकांत 161 धावांत सर्वबाद झाला आणि नेदरलँड्सने 20 धावांनी सामना जिंकला. श्रीलंका हा टी-20 वर्ल्ड कपतील सर्वात यशस्वी संघ आहे.
नेदरलँड्सने टी-20 विश्वचषकाच्या मुख्य स्पर्धेतही अनेक मोठ्या संघांना पराभूत केले आहे. 2009 मध्ये नेदरलँड संघाने इंग्लंडचा 4 गडी राखून पराभव केला होता. त्यानंतर टी-20 विश्वचषक 2014 मध्ये देखील नेदरलँड्सने इंग्लंडचा 45 धावांनी पराभव केला होता. त्याच वेळी, गेल्या टी-20 विश्वचषकात नेदरलँड्सने दक्षिण आफ्रिकेचा 13 धावांनी पराभव केला होता. अशा स्थितीत यावेळीही मोठ्या संघांना नेदरलँड्सपासून सावध राहावे लागणार आहे. नेदरलँडचा संघ ‘ड’ गटात आहे. या गटात नेदरलँड व्यतिरिक्त दक्षिण आफ्रिका, श्रीलंका, नेपाळ आणि बांगलादेश यांचा समावेश आहे.
चॅम्पियन संघाला पाजले पराभवाचे पाणी
