| मुंबई | वृत्तसंस्था |
भाजप खासदार रामदास तडस यांच्या सुनेने तडस कुटुंबियांवर गंभीर आरोप केले आहेत. ठाकरे गटाच्या नेत्या सुषमा अंधारे यांच्या उपस्थितीत पूजा यांनी पत्रकार परिषद आयोजित केली होती.
तडस कुटुंबियांनी मला लोखंडी रॉडने मारहाण केली. बाळाचा बाप कोण आहे? असे प्रश्न विचारुन माझी बदनामी केली, ”बाळाची डीएनए टेस्ट करायला सांगितली होती. खासदारांनी त्यांच्या मुलाला बेदखल केलं म्हणतात पण प्रत्यक्षात मुलाला घरात ठेवलं आहे आणि मला बाहेर काढलं आहे. ”मला दोन वेळच्या जेवणाची सोय नाही की बाळाला दूध पाजण्यासाठी पैसे नाहीत. जर लोकप्रतिनिधी सुनेला न्याय देऊ शकत नसतील तर समाजाला काय न्याय देतील?” असा सवाल पूजा तडस यांनी उपस्थित केला. त्यांनी वर्ध्याच्या दौऱ्यावर असलेल्या पंतप्रधान नरेंद्र मोदी यांच्याकडे भेटीची वेळ मागितली आहे. सुषमा अंधारे यांनीही भाजप आणि तडस कुटुंबियांवर आरोप केले. एकीकडे मोदी देशाला आपलं कुटुंब मानतात आणि दुसरीकडे त्यांच्याच पक्षाच्या खासदाराच्या सुनेवर अत्याचार होतो, हे अतिशय गंभीर आहे. मोदींनी पूजाला न्याय द्यावा, अशी मागणी त्यांनी केली.
पूजा तडस यांचे पती पंकज तडस यांनीही पूजा यांच्यावर गंभीर आरोप केले आहे. हा हनीट्रॅपचा प्रकार असून त्यांच्याकडून खंडणी मागितल्याच्या दोन हजार क्लिप माझ्याकडे आहेत, असं ते म्हणाले. यात सहा प्रकरणं न्यायप्रविष्ट आहेत, त्यामुळे मी फार काही बोलू शकणार नाही. विरोधकांना हाताशी धरुन तमाशा करण्याचा प्रकार आहे. ज्या मुलीला संसार करायचा असतो ती असा तमाशा करत नाही, असं पंकज म्हणाले.
भाजप खासदाराच्या सुनेचे कुटुंबियांवर गंभीर आरोप
