| मुंबई | प्रतिनिधी |
जेव्हा आपण क्रिकेट विश्वचषकातील भारत विरुद्ध न्यूझीलंड सामन्याबद्दल बोलतो तेव्हा आपल्याला 2019चा पराभव, धोनीचे अश्रू, विराट कोहली आणि रोहित शर्मा यांचे निराश चेहरे आठवतात. आज बदला घेण्याची ही योग्य संधी आहे. आज क्रिकेट विश्वचषक 2023चा उपांत्य सामना भारत आणि न्यूझीलंड यांच्यात मुंबईच्या वानखेडे स्टेडियमवर सुरु आहे. आजच्या सामन्यासाठी डेव्हिड बेकहॅम पासून ते मनोरंजन क्षेत्रातील कलाकारांपर्यंत सर्वांनी स्टेडियममध्ये हजेरी लावली होती.
याच मैदानावर भारताने दुसरा विश्वचषक (2011) जिंकला होता. लाखो क्रिकेट चाहत्यांना स्टेडियममधून या सामन्याचा आनंद घ्यायचा आहे, परंतु ही संधी फक्त काही हजार लोकांनाच मिळेल, ज्यांनी योग्य वेळी तिकीट काढले. आजच्या सामना पाहण्यसाठी बॉलीवूड स्टार्सही स्टेडियममध्ये उपस्थित आहेत. त्यात सलमान खान, आमिर खान, रणबीर कपूर यांच्या नावांचा समावेश आहे.
दुसरीकडे, माजी दिग्गज फुटबॉलपटू डेव्हिड बेकहॅम देखील या सामन्याचे साक्षीदार असणार आहे. सचिन तेंडुलकर समवेत तो स्टेडियममध्ये बसला आहे. टीम इंडियाला पाठिंबा देण्यासाठी सारा तेंडुलकर, शाहरुख खानची मुले आणि अनेक बॉलिवूड स्टार्स यांच्या घरातील लोकही सामना पाहण्यासाठी आलेले आहेत. जर वानखेडे स्टेडियमबद्दल बोलायचे झाले तर, 32 हजार लोकांची सोय आहे, जर आपण 1 हजार अतिरिक्त लोकांचा अंदाज लावला तर आज स्टेडियममध्ये सुमारे 33 हजार लोक उपस्थित होते.