पिंपळभाटमध्ये चित्रलेखा पाटील यांच्या प्रचाराला सुरुवात

। अलिबाग । प्रतिनिधी ।

महाविकास आघाडी पुरस्कृत शेतकरी कामगार पक्षाच्या उमेदवार चित्रलेखा पाटील उर्फ चिऊताई यांच्या प्रचाराला सुरुवात झाली आहे. चेंढरे ग्रामपंचायत हद्दीतील पिंपळभाट येथे प्रचाराचा शुभारंभ मंगळवारी नारळ वाढवून करण्यात आला.

यावेळी संदीप ढवळे, अ‍ॅड. परेश देशमुख, दत्ता ढवळे, दिनेश कवाडे, नाना घरत, मिथुन बेलोसकर, संतोष पालकर, काकडे, संजय जगे, अतुल जाधव, हर्ष ढवळे, राज ढवळे, निकोषे, व इतर कार्यकर्ते उपस्थित होते. चित्रलेखा पाटील यांची उमेदवारी जाहीर झाल्यापासून अलिबाग विधानसभा मतदार संघातील कार्यकर्ते कामाला लागले आहेत.

रात्रीचा दिवस करून गावोगावी जाऊन मतदारांना भेटून मतदान करण्याचे आवाहन करीत आहेत. अलिबाग तालुक्यातील चेंढरे ग्रामपंचायतीच्या वार्ड क्रमांक पाच व एक येथे शेकाप कार्यकर्त्यांनी प्रचाराला सुरुवात केली. पिंपळभाट येथे नारळ वाढवून प्रचाराचा शुभारंभ कार्यकर्त्यांच्या उपस्थितीत करण्यात आला.