उमेदवारांचे भवितव्य मतपेटीत बंद

। पेण । प्रतिनिधी ।

पेण विधानसभा मतदार संघात अंतिम आकडेवारी नुसार 3 लाख 7 हजार 979 पैकी 2 लाख 24 हजार 886 मतदान झाला आहे. म्हणजेच 73.02 टक्के मतदान पेण विधानसभा मतदार संघात झालेला आहे. पेण तालुक्यात एकूण 7 उमेदवार निवडणूक रिंगणात उतरले होते. या 7 उमेदवारांमध्ये भाजपचे रविशेठ पाटील, शिवसेना (उद्धव ठाकरे) पक्षाचे प्रसाद भोईर, शेकापचे अतुल म्हात्रे, बहुजन समाजवादी पार्टीची अनुजा साळवी, अभिनव भारतचे मंगल पाटील, वंचित बहुजन आघाडीचे देवेंद्र कोळी तर विश्‍वास बागुल हे अपक्ष निवडणूक रिंगणात उतरले होते. या सातही जणांचे भवितव्य मतदान पेटीत बंद झाले असून अंतिम आकडेवारी आली तेव्हा पेण तालुक्यात एकूण 73.02 टक्के मतदान झाले होते.