मुंबई | प्रतिनिधी |
कोरोनाची वाढती संख्या लक्षात घेता मुंबईतील इयत्ता 1 ते 9 वीच्या शाळा 31 जानेवारीपर्यंत बंद राहणार आहेत. तथापि, इयत्ता 10 आणि 12 च्या शाळा सुरू राहतील, असे बृहन्मुंबई महानगरपालिकेने (BMC) सोमवारी सांगितले. बीएमसी आयुक्त इक्बाल चहल यांनी सांगितले की, शहरातील शाळा, ज्या ३ जानेवारीपासून वर्गांसाठी सुरू होणार होत्या, त्या पुन्हा ऑनलाइन होतील.
दरम्यान, महाराष्ट्रात रविवारी 11,877 नवीन कोविड-19 प्रकरणे नोंदली गेली, जी आदल्या दिवसाच्या तुलनेत 2,707 अधिक आणि 50 ओमिक्रॉन संसर्गाची नोंद झाली, असे राज्याच्या आरोग्य विभागाने म्हटले आहे.