वाहतूक पोलिसांकडून स्प्रिंग पोस्ट
| पनवेल | वार्ताहार |
खारघर शहरातील हिरानंदानी उड्डाणपुलाजवळील पनवेलकडे जाणार्या लेनवर पालिकेच्या वतीने स्प्रिंग पोस्ट लावण्यात आले आहेत. वाहतूककोंडी लक्षात घेता स्प्रिंग पोस्टची मागणी केली होती.
खारघर सेक्टर 8, 2, तसेच रेल्वे स्थानकाकडे जाताना हिरानंदानी उड्डाणपुलाखालून जावे लागते. सिग्नलमुळे पनवेलकडे जाणार्या वाहनांची कोंडी होती. डाव्या बाजूने थेट सिग्नलचा विनाअडथळा पनवेलकडे जाता यावे म्हणून खारघर वाहतूक शाखेचे वरिष्ठ पोलिस निरीक्षक संतोष काणे यांनी स्प्रिंग पोस्टची मागणी केली होती. त्यानुसार पालिकेने या ठिकाणी स्प्रिंग पोस्ट बसविले आहेत. मात्र काही वाहनचालक अद्यापही स्प्रिंग पोस्ट बसविलेल्या डाव्या बाजूचा रस्ता बंदिस्त करीत असल्याने पनवेलच्या दिशेने जाणार्या वाहनांची कोंडी होत असल्याचे काणे यांनी सांगितले. त्यामुळे हिरानंदानी सिग्नल जवळील पनवेलकडे जाणार्या वाहनांसाठी डाव्या बाजूचा रस्ता मोकळा सोडण्याचे अवाहन खारघर काणे यांनी केले आहे.