रिक्षातील प्रवासी थोडक्यात बचावले
| उरण | वार्ताहर |
धुतूम ग्रामपंचायत हद्दीतील एनएच 4 या रस्त्यावरील अंडरपासला कंटेनर धडकल्याची घटना शनिवारी (दि. 4) सायंकाळी सातच्या सुमारास घडली. या अपघात अंडरपासमधून प्रवास करणारे रिक्षामधील प्रवासी थोडक्यात बचावले. जेएनपीटी बंदर प्रशासनाने करोडो रुपये खर्चून जेएनपीटी बंदर ते धुतूम मार्गे पळस्पे या आठपदरी कॉरिडॉर रस्त्याची उभारणी ही नॅशनल हायवे इंडिया अॅथोरिटीच्या माध्यमातून केली आहे.
परंतु, जेएनपीटी बंदर प्रशासनाने व नॅशनल हायवे इंडिया अॅथोरिटीच्या अधिकारी वर्गाने या परिसरातील बाधित प्रकल्पग्रस्त, गावकर्यांना विश्वासात न घेता गाव परिसरात सर्व्हिस रोडला जोडणार्या 4 बी रस्त्यावर अंडरपासची उभारणी केली आहे. त्यामुळे अंडरपासमधून प्रवास करणार्या अवजड वाहनांच्या वर्दळीमुळे वारंवार अपघाताची संख्या बळावली आहे.
सर्व्हिस रस्त्यावरील बेकायदा पार्किंग व अंडरपासजवळील वारंवार घडणार्या अपघातासंदर्भात गावकर्यांनी जेएनपीटी बंदर व नॅशनल हायवे इंडिया अॅथोरिटीकडे वारंवार आवाज उठवला आहे. परंतु, संबंधित प्रशासनाच्या अधिकारी वर्गाने कंटेनर ट्रेलर मालक, संघटनांकडून हितसंबंध जोपासत वारंवार घडणार्या घटनांकडे काणाडोळा केला आहे. त्यामुळेच अपघात होण्याची दुर्दैवी घटना पुन्हा एकदा घडली आहे.