| पनवेल | वार्ताहर |
पनवेल शहर व खोपोली परिसरात दुचाकी वाहनांसह सोन्याची चैन चोरणाऱ्या सराईत गुन्हेगारास पनवेल शहर पोलिसांनी सापळा रचून अटक केल्याने अनेक महत्वाचे गुन्हे उघडकीस येणार आहेत. पनवेल शहर पोलीस ठाणे हद्दीत डोंबाळा कॉलेज येथील शिव मंदिर जवळ एका इसमास तीन व्यक्तीने मारहाण करून पैसे घड्याळ व इतर मौल्यवान वस्तू काढून घेतल्याची तक्रार पनवेल शहर पोलीस ठाण्यात करण्यात आली होती. याबाबत वरिष्ठ पोलीस निरीक्षक नितीन ठाकरे यांच्या मार्गदर्शनाखाली अभयसिंह शिंदे, परेश म्हात्रे, वाघमारे, महेंद्र वायकर, रवींद्र पारधी, प्रसाद घरत आदींच्या पथकाने गुन्हा करण्याच्या पद्धतीवरून गुप्त बातमीदारांकडून आरोपींची माहिती काढून सदर गुन्ह्यांतील आरोपी विकास जयस्वाल (22) तामिळनाडू तसेच वेगवेगळ्या राज्यात वेगवेगळ्या ठिकाणी लपून राहत असल्याबाबत तांत्रिक तपासाद्वारे त्यांना समजले होते.
सदर आरोपीत हा पनवेल येथे येत असल्याची गुप्त बातमीदाराद्वारे बातमी मिळाल्याने सदर आरोपीस पनवेल परिसरातून सापळा रचून ताब्यात घेतले असता त्याने पनवेल व खोपोली परिसरात चोरलेली सोन्याची चैन, एक्टिवा स्कुटी, होंडा मोटर सायकल, होंडा शाईन मोटरसायकल बाबतची माहिती दिली. तसेच, यांनी केलेल्या गुन्ह्याची कबुली देऊन मुद्देमाल पोलिसांनी हस्तगत केला.