अलिबाग | विशेष प्रतिनिधी |
स्वदेस फाउंडेशन ने रायगड व नाशिक जिल्ह्यासाठी देणगी दिलेल्या 14 रुग्णवाहिकांचेे लोकार्पण मुख्यमंत्री उद्धव ठाकरे यांच्या हस्ते शनिवारी मुंबई येथे करण्यात आले. यावेळी मुख्यमंत्री उद्धव ठाकरे यांनी रायगड जिल्ह्यामध्ये स्वदेस फाउंडेशनच्या ग्रामविकास व कोविड प्रतिबंधासाठी सुरू असलेल्या कामाचे कौतुक केले कार्यक्रमासाठी स्वदेस फाऊंडेशनचे प्रमुख रॉनी स्क्रूवाला, झरीना स्क्रूवाला, मुख्य कार्यकारी अधिकारी मंगेश वांगे, संचालक रंजिश कट्टडी, उपसंचालक तुषार इनामदार , महाव्यवस्थापक डॉ. सुरेंद्र यादव व 108 बी.वी.जी ग्रूप चे अधिकारी उपस्थित होते. स्वदेस फाउंडेशन च्या वतीने रायगड जिल्ह्यातील 7 तालुक्यामध्ये या अत्याधुनिक सोयींनी युक्त अशा म्बुलन्स मिळाल्यामुळे गरजू रुग्णांना आवश्यक त्या आरोग्य सुविधा मिळू शकणार आहेत, असे स्वदेश चे उपसंचालक श्री.तुषार इनामदार यांनी म्हटले आहे.
रायगडसाठी 14 रुग्णवाहिका मुख्यमंत्र्यांच्या हस्ते लोकार्पण
