अलिबाग शहरातील कचरा भूमीवरून वाद
कांदळवनात जागा असल्याचा वन विभागाचा दावा
| रायगड | जिल्हा प्रतिनिधी |
अलिबाग शहरातील कचरा भूमीवरून वाद सुरू झाला आहे. कचरा भूमीची काही जागा कांदळवनामध्ये येत असल्याचा दावा वन विभागाने केला आहे. त्यामुळे सोमवारी त्या भूमीत कचरा टाकण्यासाठी वन विभागाने बंदी घातल्याने शहरातील कचरा ट्रक डंपरमध्येच असल्याचे समोर आले आहे.
अलिबाग-रेवदंडा मार्गावरील शहराच्या प्रवेशद्वारासमोर कचरा भूमी आहे. या कचरा भूमीमध्ये गेल्या अनेक वर्षापासून कचरा टाकला जातो. अलिबाग शहरासह आजूबाजूच्या ग्रामपंचायतीमधील कचरादेखील या कचरा भूमीत टाकला जात आहे. या भूमीमध्ये कचऱ्याचे व्यवस्थापन केले जाते. मात्र, सोमवारी सकाळी वन विभागाने या जागेत कचरा टाकण्यास मनाई केली. कचरा टाकण्याच्या भूमीमधील काही भाग कांदळवनामध्ये येत असल्याचा दावा वन विभागाने केला आहे. त्यामुळे या भूमीत कचरा टाकण्यास वन विभागाने मनाई केली आहे. वन विभागाचे कर्मचारी सोमवारी या जागेत आले. तेथील पाहणी करून हद्द कायम करण्याचे काम त्यांनी केले. कांदळवन विभागीय वन अधिकारी यांच्याकडून ही कारवाई सुरू केली आहे. त्याचा परिणाम शहरातील कचरा आज ट्रक, टेम्पोमध्येच सकाळपासून पडून असल्याचे दिसून आले आहे. दर दिवशी सुमारे 12 टनाहून अधिक कचऱ्याची विल्हेवाट या भूमीत लावली जाते. मात्र, वन विभागाच्या या कारवाईने कचरा कुठे टाकायचा असा प्रश्न नगरपालिकेसमोर उभा राहणार असल्याची शक्यता वर्तविली जात आहे.
शहरातील ठिकठिकाणी कचरा पडून
अलिबाग शहरातील कचरा भूमीचा काही भाग कांदळवन विभागाच्या जागेमध्ये येत असल्याचा दावा कांदळवन विभागाने केला. त्यामुळे सोमवारी या भूमीत कचरा टाकण्यास वन विभागाने मनाई केली. त्याचा परिणाम शहरातील ठिकठिकाणी कचरा पडून आहे. अलिबागमधील जिल्हाधिकारी कार्यालयासह काही गल्लीमध्ये कचरा पडून असल्याचे दिसून आले.
शहरातील कचरा ज्या भूमीत टाकला जातो, तेथील काही भाग कांदळवनामध्ये येतो. त्यामुळे कचरा टाकू नये, अशी सुचना नगरपालिकेला दिल्या असून हद्द कायम करण्याची कार्यवाही सुरु केली आहे.
–कुलदीप पाटकर,
वन परिक्षेत्र अधिकारी, कांदळवन विभाग, अलिबाग
शहरातील कचरा ज्या ठिकाणी टाकला जातो. त्यातील काही जागा कादंळवन विभागाची येत असल्याचे सांगण्यात आले आहे. त्यामुळे कचरा टाकण्यास मनाई करण्यात आली आहे. मात्र, त्यावर योग्य मार्ग काढून कचऱ्याची विल्हेवाट लावण्याचे काम केले जाईल.
–सागर साळुंखे,
मुख्याधिकारी तथा प्रशासक
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.