वाढदिवसानिमित्त शैक्षणिक साहित्याचे वाटप

। खांब । वार्ताहर ।

रोहा तालुक्यातील मुठवली खु.येथील सामाजिक कार्यकर्ते महेश तुपकर यांनी आपला मुलगा श्रेयांश याच्या वाढदिवसानिमित्त आदिवासी समाजातील विद्यार्थ्यांना शैक्षणिक साहित्याचे वाटप करून एका वेगळ्या पद्धतीने वाढदिवस साजरा केला.

महेश तुपकर यांनी आपल्या मुलाच्या पहिल्या वाढदिवसापासून ते आतापर्यंत जवळपास 7 वर्षे आपल्या मुलाचा वाढदिवस आदिवासी समाजातील विद्यार्थ्यांना शैक्षणिक साहित्याचे वाटप करून व केक कापून तसेच खाऊचे वाटप करून साजरा करतात. या वर्षीही शनिवारी (दि. 19) त्यांनी प्रा.शाळा सोनगाव व सोनगाव आदिवासीवाडी शाळेतील विद्यार्थ्यांना शैक्षणिक साहित्याचे वाटप व खाऊचे वाटप केले. यावेळी दादा खांडेकर, मढाळी सरपंच हेमंत कडव, मारुती तुपकर, निलेश जंगम, मालसई उपसरपंच निलेश मालुसरे, सुशील खांडेकर, तुषार मालुसरे, शरद कदम, शेखर कदम, शैलेश कदम, बंटी खांडेकर व आदिवासी बांधव मोठ्या संख्येने उपस्थित होते.