भीषण! मद्यधुंद कारचालकाची नऊ जणांना धडक

4 जण गंभीर जखमी

। ठाणे । प्रतिनिधी ।

उल्हासनगर येथे मंगळवारी (दि. 24) पहाटेच्या सुमारास भीषण अपघात झाल्याची घटना घडली आहे. एका मद्यधुंद कारचालकाने 9 जणांना धडक दिली. या अपघातात 4 जण गंभीर जखमी झाले असून त्यांच्यावर रुग्णालयात उपचार सुरू आहेत. याप्रकरणी विठ्ठलवाडी पोलीस ठाण्यात अपघाताचा गुन्हा दाखल करून पोलिसांनी तपास सुरू केला आहे.

उल्हासनगर शहरातील व्हीनस चौक रस्त्यावर मंगळवारी पहाटे पाचच्या सुमारास हा अपघात झाला. कारचालक व्हीनस चौक परिसरातून भरधाव वेगाने जात असताना त्याने रस्त्यावरून जाणार्‍या रिक्षा आणि काही नागरिकांना जोरदार धडक दिली. या भीषण अपघातात कारचालकासह 4 जण गंभीरित्या जखमी झाले असून त्यांच्यावर रुग्णालयात उपचार सुरू आहेत. तसेच कारचेही मोठे नुकसान झाले आहे. याप्रकरणी विठ्ठलवाडी पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.