दुलिप ट्रॉफी-दक्षिण विभागाला विजयासाठी 295 धावांचे लक्ष्य

| नवी दिल्ली | वृत्तसंस्था |

दुलीप ट्रॉफीच्या उपांत्य फेरीतील उत्तर विभागाने पहिल्या डावात 198 धावा केल्या तर दक्षिण विभागाने 195 धावा केल्या. उत्तर विभागाचा संघ दुसर्‍या डावात 211 धावाच करू शकला. अशाप्रकारे रविवारी अखेरच्या दिवशी दक्षिण विभागाला विजयासाठी 215 धावांचे लक्ष्य मिळाले. पावसामुळे सामन्यावर परिणाम झाला. सुर्य प्रकाशामुळेही सामन्यात अडथळा येऊ शकतो. अशा स्थितीत उत्तर विभागाचा कर्णधार जयंत यादव आणि त्याच्या गोलंदाजांनी वेळ वाया घालवायला सुरुवात केली. पहिल्या डावाच्या आधारे उत्तर विभागाला 31 धावांची आघाडी मिळाल्याने हे केले जात होते. अशा स्थितीत सामना अनिर्णित राहिला असता, तर नियमानुसार पहिल्या डावात आघाडी घेणारा संघ जिंकला असता.

पावसामुळे सुमारे 100 मिनिटांचा खेळ खराब झाला. खेळ पुन्हा सुरू झाला तेव्हा दक्षिण विभागाला विजयासाठी 32 धावा करायच्या होत्या. यादरम्यान उत्तर विभागाच्या गोलंदाजांना 5.5 षटके टाकण्यासाठी 53 मिनिटे लागली. साई किशोर 11 चेंडूत 15 धावा करून नाबाद राहिला. त्याने जयंत यादववर षटकार ठोकत संघाला रोमहर्षक विजय मिळवून दिला. संघाने 36.1 षटकांत 8 विकेट्स राखून लक्ष्य गाठले. सलामीवीर फलंदाज मयंक अग्रवाल हा सामनावीर ठरला. दुसर्‍या डावात त्याने 57 चेंडूत 54 धावांची महत्त्वपूर्ण खेळी केली. मयंकने पहिल्या डावातही महत्त्वपूर्ण 76 धावा केल्या. आता अंतिम फेरीत दक्षिण विभागाचा संघ 12 जुलैपासून पश्‍चिम विभागाशी भिडणार आहे. पश्‍चिम विभागाने दुसर्‍या उपांत्य फेरीत मध्य विभागाचा पराभव केला. या सामन्यात चेतेश्‍वर पुजाराने शतक झळकावले. पुजाराला येथे स्वत:ला सिद्ध करायचे आहे. खराब कामगिरीमुळे त्याला संघातून वगळण्यात आले आहे.

कारवाईची अपेक्षा
क्रिकेटला एकेकाळी जेंटल मॅन्स गेम म्हटले जायचे. अलीकडेच अ‍ॅशेस मालिकेदरम्यान जॉनी बेअरस्टोच्या स्टंपिंगवरून ऑस्ट्रेलिया आणि इंग्लंड यांच्यात जोरदार वाद झाला होता. आता भारताच्या देशांतर्गत क्रिकेटमध्ये जिंकण्यासाठी एका संघाने सगळ्या सीमा ओलांडल्या. पाऊस आणि अंधाराचा फायदा घेत त्याच्या गोलंदाजांनी 53 मिनिटांत केवळ 5.5 षटके टाकली. आता यावर बीसीसीआय काही कारवाई करते की नाही हे पाहावे लागेल. प्रकरण दुलीप ट्रॉफीच्या उपांत्य फेरीतील उत्तर विभाग आणि दक्षिण विभागाच्या सामन्यातील आहे. यानंतर चाहत्यांनी सोशल मीडियावरही उत्तर विभागावर प्रचंड संताप व्यक्त केला.