अज्ञात वस्तूचा स्फोट; चार जखमी
। पालघर । प्रतिनिधी ।
बोईसरजवळील सरावली अवधनगर येथील चाळीत रात्री उशिरा एका अज्ञात वस्तूचा स्फोट झाला. या स्फोटात चार जण जखमी झाले. जखमींना उपचारासाठी खाजगी रुग्णालयात दाखल करण्यात आले आहे. स्फोटाची माहिती मिळताच पोलिसांनी घटनास्थळी धाव घेऊन तपासाला सुरुवात केली आहे.
बोईसरजवळील सरावली अवधनगर परिसरात असलेल्या अलशिफा गल्लीतील दुबे चाळीमधील एका खोलीत बुधवारी (दि. 30) रात्री अकराच्या सुमारास भीषण स्फोट झाला. या स्फोटामुळे खोलीच्या भिंती कोसळल्या असून आजूबाजूच्या घरांचेदेखील नुकसान झाले आहे. स्फोटाची माहिती मिळताच बोईसर पोलिसांनी घटनास्थळी धाव घेतली. त्यानंतर स्फोटात जखमी झालेल्या चार जणांना उपचारासाठी रुग्णालयात हलवले. प्रथम हा स्फोट सिलेंडरमुळे झाल्याचा संशय होता. मात्र, अधिक तपासात खोलीतील कपाटातील संशयास्पद वस्तू किंवा फ्रिजच्या कॉम्प्रेसरचा स्फोट झाल्याचे प्रथमदर्शनी शक्यता व्यक्त करण्यात येत आहे.
घटनास्थळी वरीष्ठ पोलीस अधिकारी यांनी भेट देऊन पाहणी केली. अधिक तपासासाठी फॉरेन्सिक टिमला पाचारण करण्यात आले आहे. बोईसरमधील अवधनगर परिसर हा संवेदनशील मानला जात असून विधानसभा निवडणुकीच्या पार्श्‍वभूमीवर गजबजलेल्या ठिकाणी संशयास्पद स्फोट झाल्याने खळबळ माजली आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.