परहुरपाडा येथे नेत्र तपासणी

| सोगाव | वार्ताहर |

दी लाईफ फाऊंडेशन, ग्रुप ग्रामपंचायत परहुर आणि शंकरा आय हॉस्पिटल, पनवेल यांच्या संयुक्तविद्यमाने मोफत नेत्र तपासणी व मोतीबिंदू शस्त्रक्रिया शिबिराचे आयोजन सोमवार 23 ऑक्टोबर रोजी सकाळी 9:30 ते दुपारी 2 वाजेपर्यंत ग्रुप ग्रामपंचायत परहुर कार्यालय, परहुरपाडा येथे आयोजित करण्यात आले आहे. या शिबिरात पिवळ्या आणि केशरी रेशनकार्ड धारकांची मोफत मोतीबिंदू शस्त्रक्रिया करण्यात येईल. मोतीबिंदू शस्त्रक्रियासाठी येणाऱ्या रुग्णांनी येताना रेशन कार्ड आणि आधारकार्डची झेरॉक्स प्रत सोबत आणावी तसेच मधुमेहाची किंवा रक्तदाबाची औषधे सुरू असल्यास ती सोबत आणावी. शिबिराच्या दिवशी अल्प दरात चष्मे उपलब्ध असतील. तरी सर्व गरजू बांधवांनी या शिबिराचा लाभ घ्यावा, असे आवाहन आयोजकांनी केले आहे. अधिक माहितीसाठी शिलानंद इंगळे 9325054280, राखी राणे 8830980161, प्रणय ओव्हाळ 8149437371 यांना संपर्क साधावा.