वाशिवलीत गावठी बनावटीची बंदूक जप्त

| रसायनी | वार्ताहर |

रसायनी पोलीस ठाणे हद्दीतील वाशिवली गावचे हद्दीतील वाशिवली आदिवासीवाडी रोडलगत पोलीस अंमलदार सहाय्यक फौजदारद राजेश पाटील, संदीप पाटील, पो.हवा/ यशवंत झेमसे, सुधीर मोरे, राकेश म्हात्रे, रसायनी पोलीस ठाणे हद्दीत पेट्रोलिंग करीत असताना पोलीस हवालदार यशवंत झेमसे यांना मिळालेल्या गोपनीय माहितीवरून सापला रचत आरोपी योगेश चंदर ठोंबरे (41) रा. वाशिवली, पो. वाशिवली, ता. खालापूर, जि. रायगड त्याकडून 25000/- रु. किमतीचा एक गावठी बनावटीची शिंगल बॅलरची 12 बोअर बंदूक, 2000/- रू किंमतीचे दोन जिवंत काडतूस एकूण – 27000 रुपये पोलीस कार्यवाहीत मिळून आले.
याबाबत रसायनी पोलीस ठाण्यात भारतीय हत्यार कायदा गुन्हा दाखल झालेला असून, वरिष्ठ पोलीस निरीक्षक संजय बांगर यांच्या मार्गदर्शनाखाली रसायनी पोलीस अधिक तपास करीत आहेत.