अलिबाग तालुक्यातील एका नवीन रुग्णासह जिल्ह्यात चार कोरोना रुग्ण; दोन कोरोना मुक्त

जिल्हा प्रशासनाची माहिती
। अलिबाग । विशेष प्रतिनिधी ।
रायगड जिल्ह्यात सोमवार दि. 23 मे रोजी अलिबाग तालुक्यातील एका नवीन रुग्णासह पनवेल मनपा क्षेत्रात तीन अशा कोरोनाच्या चार नव्या रुग्णाची नोंद झाली असून सुदैवाने उपचारादरम्यान एकाही रुग्णाचा मृत्यू झाला नसल्याने दिलासा मिळाला असून तर दिवसभरात दोन रुग्ण कोरोनामुक्त झाले असल्याची माहिती जिल्हा प्रशासनाने दिली.
सोमवारी जिल्ह्यात पनवेल मनपा क्षेत्रात तीन तर अलिबाग तालुक्यात एक असे चार रुग्ण आढळले. तर पनवेल मनपा क्षेत्रातील दोन रुग्णांना बरे वाटल्याने त्यांना घरी सोडण्यात आले.
आतापर्यंत रायगड जिल्ह्यातील एकूण कोरोना बाधित रुग्णांची संख्या 2 लाख 15 हजार 450 झाली आहे. यापैकी 2 लाख 10 हजार 686 रुग्ण कोरोनातून बरे झाले आहेत. तर मृतांचा आकडा 4 हजार 698 वर गेला आहे. सद्यस्थितीत 66 सक्रीय रुग्ण कोरोनावर उपचार घेत आहेत.