आदिवासी समाजाचा मेळावा

। गोवे-कोलाड । वार्ताहर ।

निमेश वाघमारे संस्थापक असलेल्या आधार फाउंडेशनच्यावतीने रायगड जिल्ह्यातील आदिवासी समाज बांधवांचा भव्य मेळावा सुकेळी येथे घेण्यात आला. या कार्यक्रमाला रायगड जिल्ह्यातील आदिवासी समाज मोठ्या संख्येने उपस्थित होता.

या मेळाव्यानिमित्ताने आदिवासी सांस्कृतिक कार्यक्रम व नृत्य स्पर्धा आयोजित करण्यात आली होती. या नृत्य स्पर्धेत आदिवासी बांधवांकडून आदिवासी समाजातील पारंपारिक नृत्य सादर करण्यात आले. यावेळी लहान मुलांसह तरुणांनी विविध पारंपारिक नृत्य सादर केले व आपल्या अंगीभुत असलेली कला सादर केले. या आदिवासी सांस्कृतिक कार्यक्रमाला सुरेश मगर, मनोज खांडेकर, निमेश वाघमारे, महादेव सरसंबे, अनंत थिटे, उत्तम नाईक, एकनाथ ठाकूर, यशवंत हळदे, प्रकाश डोबळे, सचिन भोसले, नारायण मोहिते, मंदार कोतवाल, मंगेश शिरसे, संजय कनघरे, सूर्यवंशी, सुषमा वाघमारे, नितेश बुंदे, नैनिता काकरा आदि उपस्थित होते.