। मुंबई । प्रतिनिधी ।
चेन्नईविरुद्ध रविवारी झालेल्या सामन्यात मुंबई इंडियन्सच्या पराभवासाठी व्हिलन ठरलेल्या हार्दिक पांड्यावर सर्वत्र टीका होत आहे. माजी दिग्गज खेळाडू सुनील गावसकर यांनी तर हार्दिकची क्षुल्लक अशा शब्दांत गणना केली आहे. हार्दिकची गोलंदाजी अतिशय सुमार आणि नेतृत्वही तेवढेच साधारण असल्याचे गावसकर यांनी म्हटले आहे.
इंग्लंडचा माजी कर्णधार केविन पीटरसन याच्यासह समालोचन करताना वानखेडे स्टेडियमवरील सामन्यानंतर गावसकर यांनी खडे बोल सुनावले. मुळात प्रत्येक सामन्यात प्रेक्षकांच्या हुर्योमुळे बेजार झालेला हार्दिक मानसिकदृष्ट्या अस्थिर झाल्याचे दिसून येत आहे. त्यातच सोशल मीडियावर होत असलेल्या टीकांनाही त्याला सामोरे जावे लागत आहे.
हार्दिक पंड्याच्या चुका वेगवान गोलंदाज आकाश मधवालचे एक षटक शिल्लक होते. फिरकी गोलंदाज श्रेयस गोपालने आपल्या पहिल्या षटकात विकेट मिळवल्यानंतरही त्याला गोलंदाजी नाही. धोनीला बॅटच्या पुढ्यात चेंडू (एक चेंडू तर फुलटॉस)