लाखो रुपयांचा ऐवज लंपास

| पनवेल | वार्ताहर |

खारघर, सेक्टर-4 मधील रेल विहार सोसायटीतील एच बिल्डींगमध्ये फिरोज पारख कुटुंबासह राहण्यास आहेत. काही दिवसांपूर्वी पारख कुटुंबिय परदेशात गेले आहेत. त्यामुळे त्यांचे घर बंद असल्याची संधी साधून चोरट्यांनी 12 जुलै रोजी पहाटे त्यांच्या घराचा कडी-कोयंडा आणि टाळे तोडून घरात प्रवेश केला. त्यानंतर चोरट्यांनी पारख यांच्या घरातील 80 हजाराची रोख रक्कम तसेच 3 लाख रुपये किंमतीचे वेगवेगळ्या प्रकारचे दागिने असा सुमारे 3 लाख् 80 हजार रुपये किंमतीचा ऐवज चोरुन नेला आहे. पारख यांच्या घराचा कडी-कोयंडा तुटल्याचे शेजाऱ्यांच्या निदर्शनास आल्यानंतर हा प्रकार उघडकीस आला. त्यानंतर रेल विहार सोसायटीच्या अध्यक्षांनी खारघर पोलीस ठाण्यात याबाबत तक्रार दाखल केली आहे.