पाली कबड्डी स्पर्धेत गोमाशी अंतिम विजयी

| पाली/गोमाशी | प्रतिनिधी ।

क्रीडा मंडळ पाली यांच्या विद्यमाने 45 किलो वजनी गटाचे कबड्डीचे सामने रविवार (दि.1) क्रीडा संकुल पाली येथे आयोजित करण्यात आले होते. 45 किलो वजनी गटात जिल्ह्यातील 16 संघाने सहभाग नोंदवला होता. या स्पर्धेतील अंतिम सामना सोमजाई माता गोमाशी विरुद्ध पाली या दोन संघात झाला. या अटीतटीच्या लढतीत दोन्ही संघाच्या खेळाडूंनी आपला बहारदार खेळ करत आपल्या संघाच्या विजयासाठी शर्तीचे प्रयत्न केले. या स्पर्धेतील प्रथम क्रमांक गोमाशी या संघास रोख रक्कम एक हजार पाचशे व चषक, द्वितीय क्रमांक पाली संघास रोख रक्कम एक हजार व चषक, तृतीय क्रमांक सिद्धेश्‍वर संघास रोख रक्कम सातशे रु व चषक, चतुर्थ क्रमांक चिखलगाव संघास रोख रक्कम पाचशे व चषक देऊन क्रीडा मंडळ पाली कडून गौरविण्यात आले. या स्पर्धेतील उत्कृष्ट चढाईदार अभय जंगम (गोमाशी) यांस आकर्षक चषक देण्यात आले.