ऊर्जा मेळाव्यात गौळवाडी सरस

। कर्जत । प्रतिनिधी ।

टाटा पॉवर भिवपूरी व टाटा पॉवर खोपोली सायमाळ यांच्या संयुक्त विद्यमाने मिनी उर्जा मेळावा आयोजित विज्ञान प्रकल्पाचे आयोजन करण्यात आले होते. यामध्ये कर्जत तालुक्यातील गौळवाडी माध्यमिक विद्यालयाने प्रथम क्रमांक मिळविला असून ते दिल्ली येथे 17 डिसेंबर रोजी होणार्‍या स्पर्धेसाठी पात्र ठरले आहेत.

खोपोली सायमाळ येथे टाटा पॉवर कंपनी मार्फत आयोजित ‘ऊर्जा मेळावा 2024’ अंतर्गत राष्ट्रीय पातळवरील विज्ञान प्रकल्पाचे आयोजन करण्यात आले होते. याचा मुख्य उद्देश शालेय विदयार्थ्यांमध्ये विज्ञान आणि तंत्रज्ञान, गणित पर्यावरणाचे महत्व आदी कौशल्य व अभिरुची विद्यार्थ्यांत विकसीत करणे हा होता. त्याकरिता परिसरातील एकूण 14 शाळेंनी प्रवेश नोंदवला आणि 28 विज्ञान प्रतिकृतीचे सादरीकरण करण्यात आले होते. तसेच, प्रश्‍नमंजूषा, पोस्टर मेकिंग असे पुरक उपक्रम घेण्यात आले होते.

स्पर्धेकरिता इयत्ता सहावी ते नववीतील विदयार्थ्यांना प्रवेश देण्यात आले होते. प्रत्येक सहभागी शाळांनी कल्पकतने स्पर्धेत उत्तम तयारी दर्शवली होती. यामध्ये अभिनव ज्ञान मंदिर संस्थेच्या गौळवाडी माध्यमिक विद्यालयाला घवघवीत यश मिळाले. विज्ञान पोस्टर मेकींग स्पर्धेत इयत्ता आठवीतील विद्यार्थीनी नियती काजारी हिने तृतीय क्रमांक पटकावला आहे. तसेच, विज्ञानातील प्रतीकृती स्पर्धेत नववीत शिकणार्‍या विद्यार्थीनी दिव्या तरे व श्रेया बार्शी यांनी पर्यावरणस्नेही ऊर्जा स्त्रोत प्रकल्प सादर केला होतो. हा प्रकल्प स्पर्धचे लक्ष वेधून घेणारा ठरला. त्यामुळे या प्रकल्पाला प्रथम क्रमांक मिळाला आहे. या प्रकाल्याची निवड 17 डिसेंबर रोजी दिल्ली येथे होणार्‍या राष्ट्रीय पातळवरीवल विज्ञान प्रदर्शनासाठी निवड करण्यात आली आहे.