कोनमध्ये आरोग्य शिक्षण कार्यक्रम
| रसायनी | वार्ताहर |
कोन येथे राष्ट्रीय जन आरोग्य प्रशिक्षण व संशोधन संस्था मुंबई यांच्या सौजन्याने प्राथमिक आरोग्य केंद्र अजिवली व ग्रामपंचायत कोन यांच्या सहकार्याने डिप्लोमा इन हेल्थ प्रमोशन एज्युकेशन व पोस्ट ग्रॅज्युएशन डिप्लोमा इन कम्युनिटी हेल्थ केअर या अभ्यासक्रमाच्या समवर्ती प्रशिक्षणांतर्गत 18 ते 22 जानेवारी या कालावधीत आरोग्य शिक्षण कार्यक्रमांचे उद्घााटन ग्रामपंचायत कार्यालय कोन येथे मोठ्या उत्साहात करण्यात आले. कार्यक्रमाच्या उद्घाटन ग्रामपंचायत कोनच्या सरपंच अश्विनी शिसवे यांच्या हस्ते करण्यात आले. कार्यक्रम प्रसंगी डॉ.सुधीर वंजे संयुक्त निर्देशक यांनी संस्थेद्वारे चालवण्यात येणाऱ्या मोफत आरोग्य प्रशिक्षण व गरोदर महिलांसाठी पुरविण्यात येणाऱ्या आरोग्य सेवा याबद्दल सविस्तर माहिती दिली. पर्यावरण स्वच्छता व महिलांचे मासिक पाळी काळातील आरोग्य याविषयी मार्गदर्शन केले. राष्ट्रीय जन आरोग्य प्रशिक्षण व संशोधन संस्थेतर्फे वेळोवेळी आरोग्य विषयक जनजागृती कार्यक्रम प्रशिक्षण स्वच्छता शिबिर आरोग्य शिबिर व व्याख्याने इत्यादीसाठी डॉ.सुनील गीते निर्देशक यांनी मार्गदर्शन केले.
सदर कालावधीत डिप्लोमा इन हेल्थ प्रमोशन एज्युकेशन व पोस्ट ग्रॅज्युएट डिप्लोमा इन कम्युनिटी हेल्थकेअर या अभ्यासक्रमाच्या विद्यार्थ्यांचे दोन गट पर्यावरण स्वच्छता व मासिक पाळी या विषयावर आरोग्य पर जनजागृती कार्यक्रम घेणार आहेत, त्यात प्रामुख्याने हस्त चित्र प्रदर्शन, आरोग्य संवाद, पपेट शो, पथनाट्य व खास महिलांसाठी हळदी कुंकू कार्यक्रम आरोग्य संवाद इत्यादी कार्यक्रम घेण्यात आले. कार्यक्रमास डॉ.सुधीर वंजे, डॉ.शुभांगी बाविस्कर, सविता म्हात्रे, जितेश शिसवे, अक्षय घरत, साहिल म्हात्रे, निकिता घरत, बाळाराम कांबळे, किशोरी कांबळे, बचत गट अध्यक्षा यांची उपस्थिती होती. समवर्ती प्रशिक्षण व आरोग्य कार्यक्रमांच्या नियोजनासाठी आशा खंडागळे व तेजस्विनी मेश्राम यांनी मार्गदर्शक म्हणून काम पाहिले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.