आशियाई खेळांमध्ये भारतीय खेळाडूंचा बोलबाला

पदकांच्या यादीत भारत पहिल्या पाच देशांमध्ये

| नवी दिल्ली | वृत्तसंस्था |

आशियाई खेळ 2023 मध्ये भारतीय खेळाडू चमकदार कामगिरी करत आहेत. स्पर्धा सुरू होऊन अवघे दोन दिवस उरले असून, भारताने यापूर्वीच दोन सुवर्णपदके जिंकली आहेत. भारतीय महिला क्रिकेट संघाने अंतिम फेरीत श्रीलंकेचा पराभव करत सुवर्णपदक पटकावले आहे. आता भारताच्या एकूण पदकांची संख्या 11 वर पोहोचली आहे.

भारताने आता आशियाई क्रीडा 2023 च्या पदकतालिकेत पहिल्या 5 मध्ये प्रवेश केला आहे. दरम्यान, अजूनही अनेक सामने होणार आहेत ज्यात भारतीय खेळाडू सुवर्णपदक जिंकण्याचा दावा करतील. एशियन गेम्स 2023 च्या नवीनतम पदकतालिकेबद्दल बोलायचे तर यजमान चीन पहिल्या क्रमांकावर आहे. आतापर्यंत चीनने 32 सुवर्ण, 15 रौप्य आणि 5 कांस्यपदकं जिंकली आहेत. चीनकडे सध्या एकूण 51 पदकं आहेत. यानंतर कोरिया प्रजासत्ताक दुसऱ्या स्थानावर आहे. आतापर्यंत त्यांनी सहा सुवर्ण, सात रौप्य आणि 10 कांस्यपदके जिंकली आहेत. जपान तिसऱ्या क्रमांकावर आहे. ज्याच्या नावावर चार सुवर्ण, 12 रौप्य आणि 8 कांस्य पदके आहेत. या देशाने आतापर्यंत एकूण 24 पदके जिंकली आहेत.उझबेकिस्तानने चार सुवर्ण, चार रौप्य आणि तीन कांस्य अशी एकूण 11 पदके जिंकली आहेत. आता भारत पाचव्या क्रमांकावर आहेत. भारताने आतापर्यंत दोन सुवर्ण, तीन रौप्य आणि सहा कांस्यपदक जिंकले आहेत. त्यांची एकूण 11 पदके आहेत. भारतीय खेळाडूंनी येथून अधिक सुवर्णपदके जिंकल्यास पदकतालिकेत आणखी पुढे जाण्याची संधी असेल.