रुपिंदर पाल सिंह, सिमरनजीत विजयाचे मानकरी
टोकियो | वृत्तसंस्था |
ऑस्ट्रेलियाकडून झालेल्या दारुण पराभवानंतर निराश झालेल्या भारतीय पुरुष हॉकी संघाने दमदार पुनरागमन केलं आहे. मंगळवारी स्पेनचा पराभव करत दणदणीत विजय मिळवला. भारतानं स्पेनला 3-0 अशा फरकानं नमवलं. भारतानं पहिले दोन गोल पहिल्या क्वॉर्टरमध्ये, तर तिसरा गोल शेवटच्या क्वॉर्टरमध्ये डागला. स्पेनचा संघ आठ पेनल्टी कॉर्नर मिळाल्यानंतरही गोल करण्यात अयशस्वी ठरला. भारतानं विजयासह पुल ए मध्ये आपली स्थिती आणखी मजबूत केली असून, सध्या भारत ग्रुपमध्ये दुसर्या स्थानी आहे. तर, ऑस्ट्रेलिया पहिल्या स्थानी कायम आहे.
भारत आणि स्पेन यांच्यातील सामन्याचा निर्णय 4 क्वॉर्टरनंतर झाला. तसं पाहायला गेलं तर भारतानं आपल्या विजयावर मोहोर सामन्याच्या पहिल्या क्वॉर्टरमध्येच उमटवली होती. भारतीय हॉकी संघ सामन्याच्या सुरुवातीपासूनच आक्रमक खेळी खेळताना दिसून आला. भारताने स्पेनचा 3-0 ने पराभव करत पहिल्या विजयाची नोंद केली आहे. सिमरनजीत सिंह आणि रुपिंदर पाल सिंहने केलेल्या गोल्समुळे भारताने विजय मिळवला.
भारताला पेनल्टी कॉर्नरच्या अनेक संधी उपलब्ध झाल्या. रुपिंदर यावेळी मिळालेल्या संधीचा फायदा घेत दुसरा गोल केला आणि 2-0 ने आघाडी घेतली. 24 व्या मिनिटाला पीआर श्रीजेशला मैदानात बोलण्यात आलं होतं. हाफ टाइम होईपर्यंत भारत 2-0 ने आघाडीवर होता. स्पेनेकडून वारंवार आक्रमक खेळी करत सामन्या पुनरागमन करण्याचा प्रयत्न करण्यात आला. पण, भारतीय खेळाडूंनी संयमी खेळी करत स्पेनला रोखलं आणि विजयाची नोंद केली.
महिला हॉकी संघाची पराभवाची मालिका सुरुच
दुसर्या सामन्यात जर्मनीकडून मात
भारतीय महिला हॉकी संघाला टोकियो ऑलिम्पिकमध्ये सलग दुसर्या पराभवाला सामोरे जावे लागले. जर्मनीविरुद्धच्या ग्रुप ए मधील सामन्यात टीम इंडियाला 2-0 ने पराभव पत्करावा लागला. 2016 च्या रियो ऑलिम्पिकमध्ये कांस्यपदक जिंकणार्या जर्मनी संघासमोर भारतीय संघाने काही महत्त्वाच्या संधी गमावल्यामुळे पराभव पत्करावा लागला. आता भारतीय महिलांचा पुढील सामना बुधवारी ग्रेट ब्रिटेन संघासोबत होणार आहे.