भारतीय हॉकी संघ कांस्यपदकासाठी लढणार

। पॅरिस । वृत्तसंस्था ।

भारताला आता पॅरिस ऑलिम्पिकमध्ये कांस्यपदकासाठी लढावे लागणार आहे. कारण हॉकीच्या उपांत्य फेरीच्या लढतीत भारताला जर्मनीने पराभूत केले आणि त्यामुळे त्यांची अंतिम फेरी हुकली. त्यामुळे आता भारताला कांस्यपदकाच्या लढतीत खेळावे लागणार आहे.

भारताचा यावेळी 2-3 असा पराभव झाला. भारताने पहिल्या सत्रात गोल केला होता. त्यामुळे त्यांच्याकडे 1-0 अशी आघाडी होती. पण त्यानंतर जर्मनीने दोन गोल केले आणि त्यामुळे भारत 1-2 असा पिछाडीवर पडला होता. पण भारताने हार मानली नाही. कारण भारताचा कर्णधार हरमनप्रीत सिंगने यावेळी भारतासाठी दुसरा गोल केला. त्यामुळे भारताला जर्मनीशी 2-2 अशी बरोबरी करता आली. जर्मनीने सामन्याची सहा मिनिटे शिल्लक असताना गोल केला आणि त्यामुळे त्यांनी 3-2 अशी आघाडी घेतली होती. भारतीय संघ पिछाडीवर असला तरी त्यांनी विजयाची आस सोडली नव्हती. ही गोष्ट कर्णधार हरमनप्रीतने दाखवून दिली. कारण तिसर्‍या सत्राच्या सहाव्या मिनिटाला भारताला गोल करण्याची संधी मिळाली होती. कारण भारताला यावेळी पेनेल्टी कॉर्नर मिळाला होता. यावेळी भारताचा कर्णधार हरमनप्रीतने कोणतीही चूक केली नाही. त्यामुळे भारताला यावेळी दुसरा गोल करता आला आणि त्यामुळेच भारताला 2-2 अशी सामन्यात बरोबरी करता आली.

दुसरे सत्र भारतासाठी निराशाजनक ठरले. कारण या सत्रात भारताविरुद्ध दोन गोल झाले. सामन्याच्या 18 व्या मिनिटाला जर्मनीने पहिला गोल करत 1-1 अशी बरोबरी साधली होती. त्यानंतर सामन्याच्या 28 व्या मिनिटाला जर्मनीला यावेळी पेनेल्टी स्ट्रोक देण्यात आला. कारण यावेळी जरमनप्रीतच्या पायाला भारताच्या गोलपोस्ट जवळ असताना चेंडू लागला. त्यामुळे जर्मनीला यावेळी पेनेल्टी स्ट्रोक मिळाला. यावेळी सर्वांच्या नजरा या भारताचा गोलरक्षक पीआर श्रीजेशवर होत्या. श्रीजेशने फटका अडवला असता तर जर्मनीला आघाडी मिळू शकली नसती. यावेळी जर्मनीने कोणतीही चूक केली नाही आणि या संधीचे त्यांनी सोने केले. कारण जर्मनीसाठी हा दुसरा गोल ठरला. पहिल्या सत्रात भारताकडे 1-0 अशी आघाडी होती. पण दुसर्‍या सत्रात चित्र थोडेसे बदलले. कारण दुसर्‍या सत्राच्या तिसर्‍याच मिनिटाला जर्मनीने गोल केला आणि भारताशी 1-1 अशी बरोबरी साधली. जर्मनीच्या पेइलेटने यावेळी गोलरक्षक पीआर श्रीजेश आणि जरमनप्रीत या दोघांमधून वेगवान चेंडू मारला आणि जर्मनीसाठी गोल केला. त्यामुळे जर्मनी आता भारताशी 1-1 अशी बरोबरीत उतरली होती. पहिल्या सत्रापासून भारताने आक्रमक खेळ करायला सुरुवात केली होती. त्यामुळे सातव्या मिनिटाना त्यांना एकामागून एक तीन पेनेल्टी कॉर्नर मिळाले. पहिल्या दोन्ही कॉनर्समध्ये भारताला गोल करण्यात अपयश आले. पण तिसर्‍या वेळी मात्र भारतीय संघ चुकला नाही. हरमनप्रीत सिंगने अप्रतिम फटका मारत यावेळी भारताला पहिला गोल मिळवून दिला. हा फटका एवढा वेगवान होता की, जर्मनीचा बचावपटू झ्विकरच्या हॉकी स्टीकला लागून गोल जाळ्यात गेला आणि भारताला पहिला गोल मिळाला.