शेकाप नेत्या चित्रलेखा पाटील यांचा उपक्रम

मानी, संभाजीवाडा येथील गरीब, गरजू आणि होतकरू मुलींना सायकलचे वाटप
। अलिबाग । विशेष प्रतिनीधी ।
शेतकरी कामगार पक्षाच्या महिला आघाडी प्रमुख, सिएफटीआयच्या प्रमुख, नगरसेविका चित्रलेखा पाटील यांच्यावतीने स्वातंत्र्य दिनाच्या निमित्ताने मानी, संभाजीवाडा येथील गरीब, गरजू आणि होतकरू 28 मुलींना सायकलचे वाटप करण्यात आले.
या कार्यक्रम प्रसंगी अलिबागच्या नगरसेविका अश्‍विनीताई पाटील, सतिष म्हात्रे, अशोकशेठ म्हात्रे, रोहिणी पाटील, संजय म्हात्रे, दीपक म्हात्रे, पुरोगामी युवक संघटनेचे अलिबाग तालुका अध्यक्ष विक्रांत वार्डे, विद्यार्थी संघटनेचे युवा नेते युवराज पाटील, सय्यम संघवी, रुपश्री चव्हाण आदी उपस्थित होते.

यावेळी चित्रलेखा पाटील म्हणाल्या की, मला नेहमीच असे वाटते की मुलींच्या शिक्षणामध्ये खंड पडायला नको, त्यांना शाळेत जाण्यासाठी अडचण होऊ नये किंवा आर्थिक परिस्थितीमुळे गाडीभाडे देता येत नसेल तर शिक्षण थांबू नये या उद्देशाने गरजूंना हे सायकलचे वाटप केले जात आहे. सायकल वाटपाच्या प्रसंगी वेदांती या मुलीने चित्रलेखा पाटील यांचे एक हुबेहूब तिने काढलेले पेंटिंग मला दिले, अप्रतिम कला आपल्या गावागावातील मुलांमध्ये आहे याचा अभिमान वाटत असल्याचे त्या म्हणाल्या.
या प्रसंगी गावातील तरुणांबरोबर स्पोर्ट्स विषयी चर्चा केली. आपल्या मुलांनी खेळामध्ये प्राविण्य मिळवले पाहिजे आणि आपल्या अलिबाग सह देशाचे नाव उज्वल केले पाहिजे अशी अपेक्षा त्यांनी यावेळी व्यक्त केली. यासाठी आपण स्पोर्ट्स कॉम्प्लेक्स उभारत असल्याचेही त्यांनी सांगितले.