अय्यर-किशन यांचा हायपरफॉर्मन्स मॉनिटरिंग प्रोगाममध्ये समावेश

बीसीसीआयने 30 खेळाडूंची केली निवड, त्यात मुशीर आणि मयंक यांच्या नावाचाही समावेश

| नवी दिल्ली | वृत्‍तसंस्था |

भारतीय क्रिकेट नियामक मंडळाने (बीसीसीआय) श्रेयस अय्यर आणि इशान किशन यांना आणखी एक संधी दिली आहे. दोघांची राष्ट्रीय क्रिकेट अकादमी उच्च कामगिरी कार्यक्रमासाठी निवड झाली आहे. गेल्या मोसमात रणजी ट्रॉफीचे सामने न खेळल्यामुळे अजित आगरकर यांच्या निवड समितीने या दोन्ही खेळाडूंना बीसीसीआयच्या केंद्रीय करारातून वगळले होते. दोन महिन्यांनंतर अय्यर आणि ईशानचा विशेष संघात समावेश करण्यात आला.

श्रेयस-ईशान निवडकर्त्यांच्या रडारवर
बीसीसीआयच्या एका सूत्राने शनिवारी टाईम्स ऑफ इंडियाला सांगितले की, बीसीसीआय किंवा एनसीए यांच्याकडे अय्यर आणि इशान यांच्याविरुद्ध कोणतीही तक्रार नाही. जर त्यांनी देशांतर्गत क्रिकेटकडे पाहण्याचा दृष्टिकोन सुधारला आणि येत्या देशांतर्गत हंगामात त्याच्या घरच्या संघाकडून (मुंबई आणि झारखंड) खेळले, तर त्यांना केंद्रीय करार पुन्हा मिळण्याची शक्यता आहे. दोन्ही खेळाडूंनी चांगली कामगिरी केल्यास ते टीम इंडियात पुनरागमन करू शकतात. हे त्यांच्यासाठी एक संकेत आहे की ते निवडकर्त्यांच्या रडारवर आहेत.

30 खेळाडूंची निवड करण्यात आली
उच्च कामगिरीसाठी श्रेयस अय्यर, इशान किशन, मुशीर खान, मयंक यादव, उमरान मलिक, आवेश खान, कुलदीप सेन, हर्षित राणा, खलील अहमद, आशुतोष, तुषार देशपांडे, रायन पराग, साई सुदर्शन, साई किशोर, देवदत्त पडिक्कल, पृथ्वी. शॉ, तनुष कोटियन यांच्यासह 30 खेळाडूंची निवड करण्यात आली आहे.

बीसीसीआयच्या केंद्रीय करारातून अय्यर-किशन बाहेर
श्रेयस अय्यर आणि इशान किशन यांना बीसीसीआयच्या केंद्रीय करारातून वगळण्यात आले कारण ते रणजी सोडून -2024 ची तयारी करत होते. हा करार 1 ऑक्टोबर 2023 ते 30 सप्टेंबर 2024 पर्यंत चालेल. बोर्डाने लिहिले होते की, वार्षिक कराराच्या शिफारशींदरम्यान श्रेयस अय्यर आणि इशान किशन यांच्या नावांचाही विचार करण्यात आला होता, परंतु त्यांना केंद्रीय करारामध्ये स्थान देण्यात आले नाही. जेव्हा खेळाडू राष्ट्रीय संघाचे प्रतिनिधित्व करत नसतील तेव्हा त्यांनी देशांतर्गत क्रिकेट खेळण्यास प्राधान्य द्यावे, असे बोर्डाने म्हटले आहे.