खो-खो, कबड्डी स्पर्धा 4 डिसेंबरपासून

| मुंबई | प्रतिनिधी |
महर्षी दयानंद महाविद्यालयाच्या विद्यमाने प्रतिवर्षाप्रमाणे कनिष्ठ आणि ज्येष्ठ आंतरमहाविद्यालयीन राज्यस्तरीय स्पर्धेचे आयोजन करण्यात आले आहे. महाविद्यालयाच्या आवारातील पटांगणावर दि. 4 ते 6 डिसेंबर खो-खो, तर दि. 7 ते 9 डिसेंबर या कालावधीत कबड्डी स्पर्धेचे आयोजन करण्यात येणार आहे.

या स्पर्धेत सहभाग घेणाऱ्या इच्छुक महाविद्यालयाने आपला प्रवेश अर्ज महर्षी दयानंदच्या क्रीडा विभागाकडून स्वीकृत करून तो पूर्ण भरून आपल्या प्राचार्यांच्या सही शिक्क्यानिशी दि. 2 डिसेंबर सायं. पाच वाजेपर्यंत मनोज पाटील किंवा निकिता पवार यांच्याकडे क्रीडा विभागात सपूर्द करावा. असे एका पत्रकाद्वारे महर्षी दयानंद महाविद्यालयाच्यावतीने सर्व महाविद्यालयांना प्रसार माध्यमातून करण्यात आले आहे.