धक्कादायक! ‘या’ ठिकाणी पडली दरड, एकाचा मृत्यू

| रायगड | प्रतिनिधी |
रात्रीपासून पडत असलेल्या मुसळधार पावसामुळे दरड कोसळण्याच्या घटना घडत आहेत. पावसामुळे ताम्हिणी घाटात मुळशी हद्दीमध्ये काही ठिकाणी तसेच माणगाव हद्दीत तीन ठिकाणी दरड कोसळून रस्त्यावर माती आलेली आहे.
उपविभागीय अधिकारी मावळ यांच्याशी संपर्क साधला असता मुळशी हद्दीमध्ये मोठ्या प्रमाणात दरड रस्त्यावर कोसळलेले असून एक व्यक्ती मुळशी हद्दीत मृत झाल्याचे त्यांनी कळविले आहे.
किमान सहा ते आठ तास रस्ता सुरळीतपणे सुरू होण्यासाठी लागण्याची शक्यता आहे असे त्यांनी सांगितले.
माणगाव हद्दीतील रस्त्यावर आलेली माती जेसीबी द्वारे दूर करण्याचे काम सुरू आहे. जीवित हानी नाही. परंतु पाच ते सहा ठिकाणी रस्त्यावर माती आलेले असून बऱ्याच ठिकाणी रस्त्यावर झाडे पडलेले आहेत. त्यामुळे खबरदारी म्हणून पुणे-कोलाड रस्ता वाहतुकीसाठी बंद करण्यात आला असल्याची माहिती माणगाव तहसिलदारांनी दिला आहे.