शेतकरी व कष्टकऱ्यांचे लढवय्ये नेते, शेतकरी कामगार पक्षाचे मा.सरचिटणीस, प्राध्यापक भाई एन.डी. पाटील साहेब यांच्या जाण्याने पुरोगामी चळवळींची कधीही न भरून येणारी हानी झाली आहे. त्यांच्या रूपाने एक लढवय्या डाव्या विचारांचा आधारवड हरपला आहे. त्यांच्या सामर्थ्यशील नेतृत्वात शेतकरी व कामगारांची अनेक यशस्वी आंदोलने पार पडली. आपले संपूर्ण आयुष्य त्यांनी कष्टकऱ्यांच्या हक्कांसाठी समर्पित करून शेतकरी कामगार पक्षाचे विचार तळागाळापर्यंत पोहोचवण्याचेही कार्य केले.