महाड पत्रकार संघातर्फे तहसील कार्यालयात वाचनालय

| महाड | प्रतिनिधी |

भारतीय संविधान दिनाच्या निमित्ताने महाड पत्रकार संघाच्या वतीने येथील तहसील कार्यालयात वर्तमानपत्र वाचनालय सुरु करण्यात आले. या उपक्रमामुळे तहसील कार्यालयात येणार्‍या नागरिकांना वाचनाचा आनंद घेता येणार आहे. संविधान दिनाच्या निमित्ताने राबवलेल्या या उपक्रमाचे तहसीलदार सुरेश काशीद यांनी कौतुक केले. यावेळी नायब तहसीलदार अरविंद घेमुड, महाड पत्रकार संघाचे अध्यक्ष निलेश पवार, ज्येष्ठ पत्रकार चंद्रकांत कोकणे, श्रीकांत सहस्रबुद्धे, गोपाल कांबळे, सामाजिक कार्यकर्ते अनंत कांबळे सर, आदी अधिकारी आणि पत्रकार संघाचे सभासद उपस्थित होते. ज्येष्ठ पत्रकार चंद्रकांत कोकणे आणि गोपाळ कांबळे, यांच्या हस्ते तहसीलदार काशीद यांना तहसील कार्यालयासाठी संविधानाची प्रत भेट देण्यात आली. महेश शिंदे यांनी प्रास्ताविक केले.

यावेळी ज्येष्ठ पत्रकार चंद्रकांत कोकणे, यांनी नोगत व्यक्त केले. सचिव रोहित पाटील यांनी उपस्थित सर्वांचे आणि वन विभागाचे राकेश साहू यांचे आभार व्यक्त केले. यावेळी महाड उपविभागीय कार्यालयाचे रवींद्र भोसले, निवडणूक शाखेचे भारत जाधव, वृषाली पवार आदी कर्मचारी तर पत्रकार संघाचे राजेंद्र जैतपाल, उदय सावंत, निलेश लोखंडे, नितेश लोखंडे, योगेश भामरे, गोपाळ कांबळे, उपस्थित होते.