महाराष्ट्र विधानसभा निवडणूकीचे बिगूल वाजलं; ‘या’ तारखेला होणार मतदान..

| मुंबई | प्रतिनिधी |

महाराष्ट्रात विधानसभेच्या 288 जागांसाठी निवडणुकीचे बिगूल वाजलं आहे. निवडणूक आयोगाने पत्रकार परिषद घेत ही माहिती दिली आहे. महाराष्ट्र राज्यात एकाच टप्प्यात निवडणुका होणार आहेत. यासाठी तारखा जाहीर करण्यात आल्या आहेत. महाराष्ट्रात 20 नोव्हेंबर रोजी विधानसभा निवडणुका होणार असून 23 नोव्हेंबर रोजी मतमोजणी होणार आहे. यामुळे आज पासून राज्यात आचारसंहिता लागू झाली आहे.

गॅझेट नोटिफिकेशनची तारीख 22 ऑक्टोबर असेल तर 29 ऑक्टोबरला उमेदवारी अर्ज भरण्याची शेवटची तारीख असेल. 30 ऑक्टोबरला अर्जांची छाननी केली जाणार आहे. तर 4 नोव्हेंबर 2024 पर्यंत अर्ज मागे घेता येणार आहे.