महाविकास आघाडीतर्फे प्रचाराचा शुभारंभ

श्री काळंबादेवीचे दर्शन घेऊन प्रचाराला अलिबागमध्ये सुरुवात

| रायगड | जिल्हा प्रतिनिधी |

अलिबाग नगरपरिषदेच्या थेट नगराध्यक्ष व नगरसेवक पदाच्या उमेदवारीसाठी शेकाप, काँग्रेस, महाविकास आघाडीचे उमेदवार रिंगणात उतरले आहे. अलिबाग शहरातील श्री काळंबादेवीचे दर्शन घेऊन महाविकास आघाडीच्या उमेदवारांनी प्रचाराला सुरुवात केली. नगराध्यक्ष पदाच्या उमेदवार अक्षया नाईक यांच्यासह नगरसेवक पदाच्या उमेदवारांनी मंगळवारी सायंकाळी प्रचाराचा शुभारंभ नारळ वाढवून केला. रायगड जिल्हा परिषद माजी अध्यक्षा सुप्रिया पाटील यांच्या प्रमुख उपस्थितीत प्रचार सुरू झाला. या प्रचारामध्ये महाविकास आघाडीचे पदाधिकारी, कार्यकर्ते, महिला मोठ्या संख्येने सहभागी झाले होते.

अलिबाग नगरपरिषदेच्या थेट नगराध्यक्ष पदासाठी अक्षया प्रशांत नाईक, नगरसेवक पदासाठी प्रभाग एकमधून संतोष मधूकर गुरव, संध्या शैलेश पालवणकर. प्रभाग दोनमधून सुषमा नित्यानंद पाटील, प्रशांत मधुसूदन नाईक. प्रभाग तीनमधून साक्षी गौतम पाटील, आनंद अशोक पाटील, प्रभाग चारमधून रेश्मा मनोहर थळे, महेश वसंत शिंदे. प्रभाग पाचमधून निवेदिता राजेंद्र वाघमारे, समिर मधूकर ठाकूर. प्रभाग सहामधून ऋषीकेश रमेश माळी, अश्वीनी ठोसर. प्रभाग सातमधून ॲड. मानसी संतोष म्हात्रे, अभय म्हामुणकर. प्रभाग आठमधून ॲड. निलम किशोर हजारे, अनिल चोपडा. प्रभाग नऊमधून योजना प्रदिप पाटील, सागर शिवनाथ भगत. प्रभाग दहामधून शैला शेषनाथ भगत, वृषाली महेश भगत हे महाविकास आघाडीचे उमेदवार निवडणूकीच्या रिंगणात उतरले आहे. शेकाप, काँग्रेससह महाविकास आघाडीच्या उमेदवारांनी मंगळवारी(दि.18) अलिबागमध्ये प्रचाराला सुरुवात केली.

थेट नगराध्यक्षपदाच्या उमेदवार अक्षया प्रशांत नाईक, प्रभाग दोनमधील नगरसेवकपदाचे उमेदवार प्रशांत मधुसूदन नाईक, प्रभाग चारमधून रेश्मा मनोहर थळे, महेश वसंत शिंदे, प्रभाग पाचमधील उमेदवार निवेदिता राजेंद्र वाघमारे, समिर मधूकर ठाकूर, प्रभाग सातमधील उमेदवार ॲड. मानसी संतोष म्हात्रे, अभय म्हामुणकर, तसेच प्रभाग तीनमधील उमेदवार साक्षी गौतम पाटील, आनंद अशोक पाटील यांनी प्रचाराला सुरुवात केली. अलिबाग शहरातील जागृत देवस्थान असलेल्या श्री काळंबादेवीचे दर्शन घेण्यात आले. त्यानंतर नारळ वाढवून प्रचाराचा शुभारंभ करण्यात आला. त्यानंतर शहरातील हजरत अली शाह दरबार येथे जाऊन दर्शन घेतले. त्यानंतर चेंढरे येथील श्री हनुमान मंदिरात जाऊन दर्शन घेऊन प्रचार सुरु केला. मतदारांना भेटून मतदान करण्याचे आवाहन उमेदवारांनी केले. महाविकास आघाडीच्या उमेदवारांना मतदारांकडून प्रचाराच्यावेळी उत्स्फुर्त प्रतिसाद मिळाला. अक्षया नाईक यांच्यासह अनेक उमेदवारांचे मतदारांकडून स्वागत करण्यात आले. यावेळी रायगड जिल्हा परिषद माजी अध्यक्षा सुप्रिया पाटील, शेकाप जिल्हा सहचिटणीस ॲड. गौतम पाटील, माजी नगरसेविका अश्वीनी पाटील, सतिश प्रधान, अशोक प्रधान, इंद्रनील नाईक, सुनील थळे, रविंद्र ठाकूर, काका ठाकूर, ॲड. उमेश ठाकूर, काँग्रेसचे तालुका अध्यक्ष भास्कर चव्हाण, संजना कीर, ॲड. संतोष म्हात्रे आदी शेकाप, काँग्रेस, महाविकास आघाडीचे पदाधिकारी, असंख्य कार्यकर्ते, तरुण मंडळी उपस्थित होते.