| माणगाव | प्रतिनिधी |
सामाजिक कार्यात रायगड जिल्ह्यात नावलौकिक कमाविलेल्या माणगाव तालुका पत्रकार संघाचे विविध क्षेत्रात काम करणाऱ्या रायगड जिल्ह्यातील मान्यवरांना सन 2023 या सहाव्या वर्षातील पुरस्काराचे वितरण व विशेष व्यक्तींचा सत्कार करण्यात येणार आहे. या कार्यक्रमाबाबत संघाचे अध्यक्ष सलीम शेख यांनी शनिवार दि. 9 डिसेंबर रोजी शासकीय विश्रामगृह माणगाव याठिकाणी पत्रकार संघाच्या झालेल्या बैठकीत माहिती देऊन पुरस्कार प्राप्त मान्यवर व सत्कारमूर्तींची नावे जाहिर केली.
या बैठकीला पत्रकार संघाचे कार्याध्यक्ष जेष्ठ पत्रकार मजिदभाई हाजीते, ज्येष्ठ मार्गदर्शक विजय मेथा, सल्लागार आजेश नाडकर, उपाध्यक्ष प्रभाकर मसुरे, उपाध्यक्ष निलेश म्हात्रे, सचिव सचिन देसाई, सहसचिव स्वप्ना साळुंके, प्रवक्ता संतोष गायकवाड आदी पत्रकार उपस्थित होते. पुरस्कारांचे वितरण व सत्कार समारंभ माणगाव कुणबी भवन हॉल याठिकाणी शनिवार दि. 23 डिसेंबर रोजी सकाळी 10.30 वाजता शिवसेना उपनेते तथा विधिमंडळ पक्षप्रतोद व रायगड किल्ला विकास प्राधिकरण सदस्य आ. भरत गोगावले यांच्या हस्ते व नगराध्यक्ष ज्ञानदेव पवार यांच्या विशेष उपस्थितीत कार्यक्रम आयोजित करण्यात आला आहे. या सोहळ्यास सर्वांनी मोठ्या संख्येने उपस्थित राहावे, असे आवाहन पत्रकार संघातर्फे करण्यात आले आहे.
यावर्षीच्या सन 2023 पुरस्काराचे मानकरी महाडचे दै. रायगडचा आवाजचे संपादक दिलदार पुरकर यांना आदर्श संपादक पुरस्कार, माणगाव नगरपंचायतीचे मुख्याधिकारी संतोष माळी यांना स्वच्छतादूत पुरस्कार, महाड येथील अजित शेख यांना आदर्शव्रत प्रशासकीय कर्मचारी पुरस्कार, माणगाव येथील प्रसिद्ध डॉ. अभिजित मेहता यांना वैद्यकीय सेवा पुरस्कार, माणगाव येथील वकील ॲड. देवदत्त ठाकूर यांना विधी क्षेत्रातील पुरस्कार, झी 24 तास वाहिनीचे रायगड जिल्हा प्रतिनिधी प्रफुल्ल पवार यांना ज्येष्ठ पत्रकार पुरस्कार, निजामपूर विभागातील बाळाराम दबडे यांना समाजसेवक पुरस्कार, माणगाव येथील प्रा. सतीश बडगुजर यांना आदर्श शिक्षक पुरस्कार, माणगाव येथील उद्योजक मनीष मेथा यांना तरुण उद्योजक पुरस्कार, ग्रामसेविका नम्रता तरडे यांना आदर्श महिला ग्रामसेविका पुरस्कार, तलाठी चंद्रकांत बंदपट्टे यांना आदर्श तलाठी पुरस्कार, वावे येथील सेवानिवृत्त वायरमन पांडुरंग मारणे यांना समाजभूषण पुरस्कार, माणगाव पोलीस ठाण्याचे गोपनीय शाखेचे पोलीस रामनाथ डोईफोडे यांना पोलीस मित्र पुरस्कार, म्हसळा तालुक्यातील राजिप शाळा खरसई येथील शिक्षक जयसिंग बेटकर यांना गुणवंत शिक्षक पुरस्कार, माणगाव येथील कृषी अधिकारी प्रमोद देशमुख यांना आदर्शव्रत कृषी अधिकारी पुरस्कार, सणसवाडीच्या सरपंच सुनीता नलावडे यांना आदर्श महिला सरपंच पुरस्कार, ग्रामविकास अधिकारी नरेंद्र घाडगे यांना आदर्श ग्रामविकास अधिकारी पुरस्कार, माणगाव तालुक्यातील वडगाव कोंड येथील उद्योजक नागेश शिरगावकर यांना यशस्वी उद्योजक पुरस्कार, साई येथील कार्यकर्ते गणेश पवार यांना सामाजिक कार्यकर्ता पुरस्कार, उणेगाव येथील कार्यकर्ते निलेश सत्वे यांना समाजरत्न पुरस्कार, न्हावे गावचे शेतकरी सुनील जांभरे यांना प्रगतशील शेतकरी पुरस्कार, माणगाव वाहतूक शाखेचे पोलीस शिवराज बांडे यांना कार्यदक्ष वाहतूक पोलीस पुरस्कार तसेच समाजात उल्लेखनीय कार्य करणारे कृष्णाभाई गांधी (माणगाव), ज्योती बुटाला (माणगाव), प्रिया तेटगुरे -घरत (माणगाव), हरेश शेट (माणगाव), मीनल मेथा (माणगाव), नथुराम पोवार (माणगाव) आदींना आ. भरत गोगावले यांच्या हस्ते गौरविण्यात येणार आहे. या कार्यक्रमाचे सूत्रसंचालन शिक्षक शब्बीर हज्जू, शिक्षिका अपूर्वा जंगम हे करणार आहेत. या कार्यक्रम यशस्वीरित्या पार पाडण्यासाठी पत्रकार संघाचे सर्व पदाधिकारी व सदस्य यांच्यासह प्रा. हर्षल जोशी, शिक्षक शंकर शिंदे, भालचंद्र खाडे व सहकारी परिश्रम घेत आहेत.