सीएफआय, मेलन पुणे यांच्यातर्फे मिनी सायन्स लॅब सुरु

। पुणे । प्रतिनिधी ।
ऑगस्ट 2021 पासून सीएफआय व बी एन वाय मेलन यांच्या संयुक्त विद्यमाने ई. 8 वी ते 10 वीच्या विद्यार्थ्यांकरिता संस्थेच्या कार्यालयात सुसज्ज मिनी सायन्स लॅब सुरु करण्यात आली आहे. आपले बहुतांशी विद्यार्थी हे खेडोपाड्यातील शाळांमध्ये शिक्षण घेतात व तेथे सायन्स या विषयाचे प्रायोगिक साहित्य बर्‍याच शाळांमध्ये उपलब्ध नाही याचा मुलांच्या शैक्षणिक प्रगतीवर परिणाम झालेला दिसून येतो. त्यामुळे त्या मुलांना प्रत्यक्ष प्रयोग करता यावेत शिकता यावेत,त्यामागील संकल्पना समजून घेता यावी व त्यांना सायन्स विषयात रस निर्माण व्हावा त्यासाठी सीएफआय कार्यालय पेण येथे मिनी सायन्स लॅव विनामूल्य सुरु केलेली आहे.
या सायन्स लॅव मध्ये एकूण 80 प्रकारची सायन्सची प्रयोगाची साधने उपलब्ध करून देण्यात आलेली आहेत. तसेच त्यासाठी नेमलेले तज्ञ शिक्षक हे संस्थेत येणार्‍या विद्यार्थ्यांना उत्तम मार्गदर्शन तर करतातच पण त्याव्यतिरिक्त खेडोपाड्यात जाऊनही विद्यार्थ्यांना सायन्सचे प्रयोग त्या संदर्भातील माहिती करून देतात.याचा फायदा पेण व आसपासच्या गावांतील विद्यार्थी मोठ्या संखेने घेत असून त्यांच्यात शैक्षणिक प्रगती दिसून येत आहे. त्याबद्दल सीएफआय व बीएन वाय मेलन यांचे विद्यार्थी व त्यांचे पालकांनी संस्थेचे आभार मानले आहेत.