मोटार वाहन निरीक्षकांचा शिबीर कार्यक्रम जाहीर

। अलिबाग । वार्ताहर ।
उपप्रादेशिक परिवहन कार्यालय, पेण या कार्यालयामार्फत तालुकास्तरावर शिबीर कार्यालयाचे कामकाज प्रत्येक महिन्याला आयोजित करण्यात येत असते. कोविड काळातील दुसर्‍या लाटेत वाढती रुग्ण संख्या व शासनाच्या वेळोवेळीचे आदेशान्वये माहे मार्च 2021 पासून शिबीर कार्यालयाचे कामकाज बंद ठेवण्यात आले होते.
या शिबीर कार्यालयाचे कामकाज माहे नोव्हेंबर 2021 पासून पूर्ववत करण्यात येत असून उपप्रादेशिक परिवहन कार्यालय,पेण कार्यालयातील मोटार वाहन निरीक्षकांचा नोव्हेंबर-2021 महिन्याचा शिबीर कार्यक्रम पुढीलप्रमाणे-सोमवार, दि.15 व सोमवार, दि.22 नोव्हेंबर 2021 रोजी महाड, मंगळवार, दि.16 नोव्हेंबर 2021 रोजी मुरुड, बुधवार, दि.17 नोव्हेंबर 2021 रोजी रोहा, मंगळवार, दि.23 नोव्हेंबर 2021 रोजी श्रीवर्धन, बुधवार, दि.24 नोव्हेंबर 2021 रोजी माणगाव, शुक्रवार दि.26 नोव्हेंबर 2021 व सोमवार दि.29 नोव्हेंबर 2021 रोजी ता.अलिबाग येथे मोटार वाहन निरीक्षकांचा शिबीर कार्यक्रम जाहीर करण्यात आला आहे.