खारघर डोंगरावर पर्वत दिन साजरा
| खारघर | वार्ताहर |
खारघर वेटलँड आणि हिल्स ग्रुप व रायगड वन विभागाच्या वतीने शनिवारी (दि.9) खारघर डोंगरावर जागतिक पर्वत दिन साजरा करण्यात आला. खारघरमधील उत्सव चौक येथून सहभागी झालेल्या सायकलपटूंनी सकाळी 7 वाजता सायकल रॅली काढून जंगल आणि पर्वताचे महत्त्व पटवून दिले. सायकलपटूंची रॅली खारघर डोंगरावरील फणसवाडी पाड्यात दाखल झाल्यानंतर सर्वांनी डोंगर, पर्वत रांगाचे संरक्षण आणि जतन करण्यासाठी जनजागृती करण्याचा संकल्प केला. उपस्थित मान्यवरांनी आदिवासी पाड्यातील ग्रामस्थांना जंगलाचे महत्त्व पटवून देत दरवर्षी जंगलातील आगीमुळे होणाऱ्या परिणामांविषयी माहिती दिली. या कार्यक्रमात सायकलपटूंसह, अनुभूती एंडेव्हर्स प्रायव्हेट लिमिटेडचे सुदीप आठवले, निसर्ग मित्र धनजय मदन, ज्योती नाडकर्णी, खारघर वेटलँड्स अँड हिल्सचे नरेश चंद्र सिंग, मेडीकव्हर रुग्णालयाचे करण अमीन, सर्पमित्र रघुनाथ जाधव, पनवेल वनविभाग परिमंडळचे अधिकारी अशोक घुगे यांच्यासह वन विभागाचे कर्मचारी सहभागी झाले होते.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.