नगरपरिषदेचे आरक्षण जाहीर; महिलांना संधी

अलिबाग नगरपरिषद खुला महिला प्रवर्गासाठी राखीव

| मुंबई | प्रतिनिधी |

सर्वोच्च न्यायालयाने जानेवारी महिना संपण्यापूर्वी स्थानिक स्वराज्य संस्थांच्या निवडणुका घेण्याचे निर्देश दिले आहेत. त्यामुळे या निवडणुकीच्या प्रक्रियेला वेग आला आहे. प्रशासनाने वेगाने तयारीदेखील सुरु केली आहे. सोमवारी (दि.6) मंत्रालयात मंत्री माधुरी मिसाळ यांच्या अध्यक्षतेखाली नगराध्यक्षपदाच्या आरक्षणाची सोडत काढण्यात आली. त्यात रायगड जिल्ह्यातील अलिबाग, पेण व उरण नगरपरिषदा खुला महिला प्रवर्ग तर मुरूड-जंजिरा, रोहा व कर्जत नगरपरिषदा ओबीसी महिलांसाठी राखीव ठेवण्यात आल्या आहेत.

मिळालेल्या माहितीनुसार, आरक्षण सोडतीत 67 नगरपरिषदा ओबीसीसाठी राखीव ठेवण्यात आल्या आहेत. यापैकी 34 नगरपरिषदा महिलांसाठी आहेत. तसेच, 23 नगरपरिषदा अनुसुचित जाती जमातींसाठी राखीव ठेवण्यात आल्या आहेत.

खुला महिला प्रवर्ग
अलिबाग, पेण, उरण, परळी वैजनाथ, मुखेड, आंबरनाथ, अचलपूर, मुदखेड, पवनी, कन्नड,मलकापूर(कोल्हापूर), मोवाड, पंढरपूर, खामगाव, गंगाखेड, धरणगाव, बार्शी, अंबड, गेवराई, म्हसवड, गडचिरोली, भंडारा, बुलढाणा, पैठण, कारंजा, नांदुरा, सावनेर, मंगळवेढा, कळमनुरी, आर्वी, किनवट, कागल, संगमनेर, मुरगूड, साकोली, कुरुंदवाड, पूर्णा, कळंब, चांदुररेल्वे, चांदुरबाजार, भूम, रत्नागिरी, रहिमतपूर, खेड, करमाळा, वसमत, हिंगणघाट, रावेर, जामनेर, पलूस, यावल, सावंतवाडी, जव्हार, तासगाव, राजापूर, सिंदिरेल्वे, जामखेड, चाकण, शेवगाव, लोणार, हदगांव, पन्हाळा, धर्माबाद, उमरखेड, मानवत, पाचोरा, फैजपूर, उदगीर.

ओबीसीसाठी राखीव
पोलादपूर, खालापूर, पारनेर, तळा, घनसावंगी, भामराग, माळशिरस, आष्टी बीड, एटापल्ली, झरी जामणी, मंचर, पाटोदा, खानापूर,  माढा, पोंभुर्णा, माहूर, वडवणी, आटपाडी, मालेगाव जहांगीर, शिरूर अनंतपाळ, पालम, कळवण, मंठा, सावली, कोंढाळी, जाफराबाद, चाकूर, तीर्थपुरी, कणकवली, शिरूर कासार, आष्टी वर्धा, विक्रमगड, अकोले, जिवती, मोखाडा, कर्जत अहिल्यानगर, सुरगाना.

ओबीसी महिलांसाठी राखीव
मुरूड-जंजीरा, कर्जत, रोहा, भगूर, इगतपुरी विटा, बल्हारपूर, धाराशिव, भोकरदन, जुन्नर, उमरेड, दौंड, कुळगाव बदलापूर, हिंगोली, फुलगाव, शिरूर, काटोल, माजलगाव, मूल, मालवण, देसाईगंज, हिवरखेड, अकोट, मोर्शी, नेर-नवाबपूर, औसा, देगलूर, चोपडा, सटाणा, दोंडाईचा वरवडे, बाळापूर, कुर्डुवाडी, धामणगाव रेल्वे, वरोरा.

अनुसूचित जाती प्रवर्ग महिला
शिरोळ, देऊळगावराजा, मोहोळ, तेल्हारा, ओझर, वानाडोंगरी, भुसावळ, घुगुस, चिमूर, शिर्डी, सावदा, मैंदरगी, डिगदोहदेवी, डिग्रस, अकलूज, परतूर, बीड.

अनुसूचित जमाती प्रवर्ग महिला
वणी, भडगाव, पिंपळनेर, उमरी, यवतमाळ, शेंदूरजनाघाट.