मुसा इलेव्हन म्हसळा विजेता

गोंडघर संघास उपविजेतेपद
| म्हसळा | वार्ताहर |
म्हसळा शहरात दिवस रात्र चाललेल्या आयपीएलच्या आणि गाव टू गावच्या धर्तीवर खेळवल्या गेलेल्या म्हसळा प्रीमिअर लीग पर्व-3 चा मुसा इलेव्हन म्हसळा संघ विजेता ठरला, तर शाहीन गोंडघर संघाला उपविजेतेपदावर समाधान मानावे लागले. स्पर्धेचे उद्घाटन गावातील प्रतिष्ठित मान्यवरांच्या हस्ते करण्यात आले. चार दिवस चाललेल्या या विविध स्तरातील मान्यवरांनी भेटी देऊन शुभेच्छा दिल्या. स्पर्धेतील विजेत्या संघाला आकर्षक चषक व रोख रक्कम 1,00,000/- तर उपविजेत्या संघाला आकर्षक चषक व रोख रक्कम 50,000/- तर तिसर्‍या आणी चौथ्या क्रमांकाला प्रत्येकी 15,000/- आणि चषक देऊन मान्यवरांच्या हस्ते गौरविण्यात आले. मालिकावीर म्हणून मुसेफ बंदरकर, उकृष्ट फलंदाज नदीम धायरेकर, उत्कृष्ट गोलंदाज प्रभू यांना आकर्षक चषक देऊन गौरविण्यात आले. तर, स्पर्धेतील उत्कृष्ट क्षेत्ररक्षक म्हणून सुहास पवार याला गौरविण्यात आले.

शहरातील हळदे यांच्या मैदानावर खेळवल्या गेलेल्या या क्रिकेट स्पर्धेत एकूण 48 संघांनी सहभाग घेतला होता. स्पर्धेच्या बक्षीस वितरणासाठी गावातील विविध स्तरावरील मान्यवर उपस्थित होते. ही स्पर्धा संपन्न करण्यासाठी दद्दु बॉईजच्या सभासदांनी मेहनत म्हसळा शहरात आयोजित करण्यात आलेल्या या स्पर्धेकरिता स्थानिक क्रिकेटप्रेमींनी दद्दु बॉईजचे आणि स्पर्धा आयोजन समितीचे आभार व्यक्त केले.