एनडीआरफच्या जवानानी केली गरोदर महिलेची सुटका

| गडचिरोली | वृत्तसंस्था |

विदर्भातील गडचिरोली, चंद्रपूर जिल्ह्यातही काही नद्यांना पूर आला आहे. याच पुराच्या पाण्यात एनडीआरएफचे जवान अनेकांसाठी मदतीला धावून येत आहेत. गरोदर असलेल्या कलावती (20) ह्या मूळच्या आशिफाबाद, राज्य तेलंगणा येथील असून मौजा, चिक्याला, ता. सिरोंचा येथे नातेवाईकांकडे वास्तव्यास आल्या होत्या. या दरम्यान, एकीकडे पाऊस सुरू असताना रात्री पोटात दुखायला लागल्याने स्थानिक महसूल/आरोग्य पथकाने वेळीच चिक्याला ते परसेवाडा येथील टेकडा येथे भरती केले. त्यामुळे, मध्यरात्री 1.45 वाजता त्यांची नॉर्मल प्रसूती झालेली होती.

ही महिला ह्या परराज्यातील असून संबंधित भागातील पीएचसी अंतर्गत नियमित नोंदणीकृत नसल्याने माहिती नव्हती. मात्र, माहिती प्राप्त होताच तात्काळ उपचार करण्यात आले. दरम्यान, या महिलेस रुग्णालयात नेण्यासाठी एनडीआरएफच्या जवानांना पाण्यातून मार्ग काढावा लागला. महिलेला सुरक्षितरित्या बाहेर काढण्यात आले. त्यानंतर तिला सामान्य रुग्णालय, गडचिरोली येथे उपचार सुरू असून महिला सुरक्षित आहे. तसेच, पायल गावडे 23, मौजा वेंगणुर, इथे एका गर्भवती स्त्री ह्यांना छातीत दुखण्याबाबत स्थानिक आशावर्कर ह्यांच्याकडून कळाले. त्यानंतर त्या महिलेला स्थानिक मूलचेरा/एटापल्ली येथील सयूंक्त आरोग्य/महसूल पथकाद्वारे सुखरुपरित्या बाहेर काढुन पुढील उपचारार्थ पीएचसी रेगडी ह्या सरकारी रूग्णालयात भरती करण्यात आले आहे.