बहिरोळे संयुक्तिक क्रिकेट स्पर्धेत फुलाईदेवी सासवणे विजयी

। अलिबाग/सोगावकर । वार्ताहर ।
अलिबाग तालुक्यातील बहिरोळे येथील श्रीगणेश बहिरोळे, बापदेव बहिरोळे आणि दत्तप्रसाद बहिरोळे या तीन मंडळाच्या सयुक्त विद्यमाने स्वर्गीय मा.आ. मधुकर ठाकुर, स्वर्गीय मा.प.सदस्य उमेश थळे, स्वर्गीय अनिल थळे यांच्या स्मरणार्थ भव्य टेनिस बॉल मर्यादित षटक क्रिकेट स्पर्धेचे आयोजन करण्यात आले होते. यामध्ये घाडी बंधु पुरस्कृत फुलाईदेवी संघ विजयी झाला आहे.
दि.21 ते 23 जानेवारी या तीन दिवसादरम्यान आयोजित स्पर्धेचे उद्घाटन काँग्रेस नेते राजा ठाकुर, आवास ग्रामपंचायतीचे सरपंच अभिजित राणे, सारळ ग्रामपंचायतीचे माजी सरपंच अमित नाईक, युवा नेते सूचित थळे यांच्या हस्ते तथा इतर मान्यवरांच्या उपस्थितीत मोठ्या उत्साहात करण्यात आले.
ही स्पर्धा बहिरोळे येथील मराठी शाळेजवळील मैदानावर पार पडली. स्पर्धेत एकूण 24 संघांनी सहभाग घेतला होता. अंतिम सामना घाडी बंधू पुरस्कृत फुलाईदेवी सासवणे व गावदेवी मुशेत यांच्यात झाला. यामध्ये द्वितीय क्रमांक गावदेवी मुशेत संघाने पटकविले, आणि तृतीय क्रमांक शिवसाई मापगांव संघाने पटकविले.
स्पर्धेत विजेत्या संघांना पारितोषिक म्हणून प्रथम क्रमांक : 50,000/-रू व चषक,द्वितीय क्रमांक 30,000 /- रु व चषक,तृतीय क्रमांक 20,000/- रु व चषक अशी बक्षिसे देण्यात आले.तसेच अन्य उत्कृष्ट कामगिरी करणार्‍यांना विविध बक्षिसे देण्यात आली.
स्पर्धेत उत्कृष्ट फलंदाज म्हणून धर्मेंद्र वर्तक फुलाईदेवी सासवणे संघ याने पटकविले तर उत्कृष्ट गोलंदाज म्हणून साई राणे शिवसाई मापगांव संघ याने पटकविले आणि सामनावीर म्हणून निखिल करंजुकरने गावदेवी मुशेत संघ याने पटकविले.
बक्षीस वितरण समारंभाला महाराष्ट्र प्रदेश सरचिटणीस काँग्रेस कमिटी व ठाणे जिल्हा प्रभारी चंद्रकांत पाटील, मापगांव ग्रामपंचायतीचे माजी सरपंच सुनिल आप्पा थळे, उमेश ठाकुर, रवींद्र ठाकुर, किहीम ग्रामपंचायत सदस्य पिंट्या गायकवाड, मापगाव ग्रामपंचायत सदस्य चंद्रकांत खोत, अण्णा सातमकर, तसेच केशव चांदोरकर, अनिल जाधव यांच्या हस्ते व मापगाव तंटामुक्त उपाध्यक्ष विवेक जोशी, मापगाव ग्रामपंचायतीचे माजी उपसरपंच समद कुर, जया ढोले, तंटामुक्त कमिटी सदस्य राजेंद्र घरत, विलास थळे, कैलास थळे, संजय शिंदे, विजय घरत, घाडी बंधु आदी मान्यवरांच्या उपस्थितीत पार पडला. यावेळी केशव चांदोरकर सर यांनी स्पर्धकांना व आयोजकांना खूप चांगले मार्गदर्शन केले.
स्पर्धेत तीन दिवस सतत समालोचकांची जबाबदारी यश मापगावकर, आशुतोष पाटील, आकाश मांजरेकर, विवेक जोशी यांनी पार पाडली. तसेच स्पर्धा यशस्वी होण्यासाठी बहिरोळे गावातील ग्रामस्थांनी तिन्ही संघाना फार मोठे योगदान दिले. स्पर्धेचे तीन दिवस सुत्रसंचालन अतिशय चांगल्या पद्धतीने मापगाव ग्रामपंचायत तंटामुक्त उपाध्यक्ष विवेक जोशी यांनी केले.