पीएनपीच्या विद्यार्थ्याची मॅरेथॉन स्पर्धेत उल्लेखनीय कामगिरी

| अलिबाग | प्रतिनिधी |

क्रीडा व युवक सेवा संचालनालय, महाराष्ट्र राज्य पुणे व जिल्हा क्रीडा अधिकारी कार्यालय, रायगड अलिबाग राष्ट्रीय क्रीडा दिनानिमित्त भव्य मॅरेथॉन स्पर्धा घेण्यात आली होती. पीएनपी होली चाईल्ड स्कूल वेश्वी अलिबाग शाळेतील विद्यार्थी शिव शिवराम निर्मल याने रायगड जिल्हा मॅरेथॉन स्पर्धेत द्वितीय क्रमांक मिळून उल्लेखनीय कामगिरी केली आहे. या नेत्रदीपक यशाबद्दल पीएनपी संस्थेच्या कार्यवाह चित्रलेखा पाटील, होली चाईल्ड एसएससी बोर्डच्या मुख्याध्यापिका निसर्गा चेवले व उपमुख्याध्यापिका शर्मिला शेटे, क्रीडा मार्गदर्शक अक्षय डाकी व शिक्षकेतर कर्मचाऱ्यांनी अभिनंदन करून पुढील वाटचालीसाठी शुभेच्छा दिल्या.