पनवेलमध्ये पोलिसांचे रुट मार्च

। पनवेल । वार्ताहर ।

लोकसभा निवडणुकीच्या पार्श्‍वभूमीवर पनवेल शहर पोलिसांनी पनवेल शहर ते करंजाडे पोलीस चौकी असा रुट मार्च काढून पोलीस प्रशासन सतर्क असल्याचे दर्शन त्यांनी यावेळी घडविले.

लोकसभा निवडणुकीच्या अनुषंगाने पनवेल शहर पोलीस ठाण्याचे वपोनि नितीन ठाकरे यांच्या मार्गदर्शनाखाली आरपीएफ कंपनीचे एक अधिकारी, 32 अंमलदार यांच्यासह पोलीस ठाण्यातील दोन पोलीस निरीक्षक, सहा सहाय्यक पोलीस निरीक्षक व 42 अंमलदार यांनी पोलीस ठाणे हद्दीतील महत्त्वाची मतदान केंद्रे, संवेदनशील परीसर, संमिश्र वस्ती तसेच निवडणुकीच्या अनुषंगाने महत्वाची ठिकाणे म्हणजेच पनवेल मनपा येथून मुसलमान मोहल्ला, मिरची गल्ली नाका, टपाल नाका, उरण नाका, मच्छी मार्केट, वडघर, करंजाडे सेक्टर 1 ते 5 व चौकी येथे समाप्त करण्यात आली. या रुट मार्चमध्ये सहा वाहनांसह पायी भेटी देवुन त्यांना परीसर व परीस्थितीची माहिती देण्यात आली.