प्रज्ञा बोधनकर यांना पीएच.डी

| खोपोली । प्रतिनिधी ।
खोपोलीतील प्रज्ञा मिलिंद बोधनकर यांना मुंबई विद्यापीठाकडून नॅनो विज्ञान व नॅनो तंत्रज्ञान या विषयातील पीएच. डी प्राप्त करण्यात आली आहे. त्यांनी शेप, साइझ अँड मॉर्फोलॉजी कंट्रोल मेटल/ मेटल ऑक्साईड बेस्ड नॅनो कॅटालिस्ट फॉर इलेक्ट्रो केमिकल वॉटर स्प्लिटिंग या विषयावर प्रा. डॉ. प्रदिप सरवदे यांच्या मार्गदर्शनाखाली पीएच. डी प्रबंध पूर्ण केला. यासाठी त्यांना डॉ. दत्तात्रय ढवळे (सायंटिस्ट – ऑस्ट्रेलिया) यांचेही मार्गदर्शन लाभले. या प्रकल्पासाठी त्यांना डिपार्टमेंट ऑफ सायंन्स अँड टेक्नॉलॉजी, दिल्लीकडून वुमन सायंटिस्ट – ए योजने अंतर्गत अनुदान मिळाले होते. हे संशोधन नावीन्य पूर्ण असल्याने त्यावर आधारित त्यांची सहा प्रकाशने युरोपियन नियतकालिकात प्रकाशित झाली आहेत.सध्या त्यांचे पोस्ट डॉक्टरेट साठी प्रोजेक्टचे काम चालु आहे.