मुंबई-गोवा महामार्गावर खाजगी बसला अपघात
| महाड | प्रतिनिधी |
मुंबई-गोवा राष्ट्रीय महामार्गावर महाड तालुक्यातील चांढवे गावच्या हद्दीमध्ये टोल नाक्या नजीक खाजगी बस पलटी झाल्याची घटना घडलेली आहे. पहाटे तीन वाजण्याच्या सुमारास हा अपघात घडलेला आहे.
मुंबई-गोवा राष्ट्रीय महामार्गावर अपघातांची मालिका सुरूच असून महाड पोलादपूरच्या मध्यभागी असलेल्या चांढवे गावच्या हद्दीमध्ये पहाटे तीन वाजण्याच्या सुमारास रत्नागिरी ते मुंबई जाणाऱ्या खाजगी लक्झरी बसला अपघात झाला आहे. मुंबई-गोवा महामार्गावर टोलनाक्याजवळ ही बस आली असता बसचा टायर फुटल्याने चालकाचे बस वरील नियंत्रण सुटले आणि बस पलटी झाली. पोलीस प्रशासन व स्थानिकांच्या मदतीने बसमधील प्रवाशांना तातडीने बाहेर काढण्यात आले. रत्नागिरी ते मुंबई जाणाऱ्या या बसमध्ये 22 प्रवासी प्रवास करत होते. या अपघातामध्ये 7 प्रवासी जखमी झाले असून 4 प्रवाशांना गंभीर दुखापत झाल्याने त्यांना मुंबई येथे पाठवण्यात आले आहे. या अपघाताबाबत महाड एमआयडीसी पोलीस ठाण्यात गुन्हा दाखल करण्यात आला असून अधिक तपास सुरू आहे
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.