पोलिसांकडून गावठी दारूवर धाड
| तळा | वार्ताहर |
तळा तालुक्यातील मौजे मेढा येथे तळा पोलिसांनी गावठी हातभट्टीच्या दारूवर धाड टाकून दोघा जणांना ताब्यात घेतले आहे. याबाबत सविस्तर वृत्त असे की तळा पोलिसांना मेढा हद्दीत गावठी दारूसाठा असल्याची गुप्त माहिती मिळाली होती. त्या अनुषंगाने तळा पोलिसांनी सापळा रचून मेढा आदिवासीवाडीत अनेक ठिकाणी सोमवारी संध्याकाळी सहा वाजल्याच्या सुमारास छापेमारी केली. त्या ठिकाणी तपास करत असताना दोन घरांमध्ये अवैध स्वरूपात गावठी दारू मिळून आली. मात्र पोलिसांनी कारवाईवर न थांबवता जंगल भागाचा देखील जवळपास दोन ते तीन तास चालत तपास केला.
अथक परिश्रमानंतर पोलीस पथकाला चार ते पाच रबरी ट्यूबमध्ये आणि प्लास्टिक ड्रममध्ये जवळपास 150 लिटर गावठी दारू आढळून आली. ही गावठी दारू तळा पोलिसांनी जागेवरच नष्ट केली. दोन घरांमध्ये अवैद्य गावठी दारू मिळून आल्या प्रकरणी दोन जणांवर कारवाई करण्यात आली. तळा पोलिसांकडून ही धडक कारवाई करण्यात आल्याने सहा.पो. निरीक्षक गणेश कराड आणि कर्मचाऱ्यांचे मेढा येथील आदिवासी महिलांनी आभार मानले.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.