टेनिस क्रिकेट स्पर्धेत रत्नागिरीला उपविजेतेपद

| चिपळूण | प्रतिनिधी |

नंदुरबार येथे झालेल्या राज्यस्तरीय टेनिस बॉल क्रिकेट स्पर्धेत रत्नागिरी जिल्ह्याच्या 19 वर्षांखालील मुलींच्या संघाने दमदार कामगिरी करत उपविजेतेपद पटकावले. डॉ. योगिता खाडे-आयरे यांच्या मार्गदर्शनाखाली खेळलेल्या रत्नागिरीच्या संघाने संपूर्ण स्पर्धेत सातत्यपूर्ण कामगिरी केली. रत्नागिरीच्या या संघाचे नेतृत्व कर्णधार स्वरा संसारे (गुहागर) तर उपकर्णधार सानिया महाकाळ (रत्नागिरी) या होत्या. या संघात गार्गीय चव्हाण (गुहागर), रिया खातू (गुहागर), प्रज्ञा मोहिते (चिपळूण), सेजल कालेकर (राजापूर), मनाली निंबरे (रत्नागिरी), सलोनी धावडे (राजापूर), सानिका अलीम (रत्नागिरी), यशस्वी धावडे (राजापूर), तेजल कुवळेकर (राजापूर) आणि हर्षाली पांचाळ (राजापूर) या खेळाडूंनी सहभाग घेऊन उत्कृष्ट खेळ करत संघाच्या यशात मोलाचा वाटा उचलला. संघाचे व्यवस्थापक स्वप्नील धामणस्कर आणि युवराज मोरे होते. या उल्लेखनीय यशाबद्दल महाराष्ट्राचे सचिव मोहम्मद बाबर, जिल्हाध्यक्ष सुदेश मयेकर, उपाध्यक्ष मंगेश माटे, संकेत साळवी, ओमकार संसारे, संकेत शिंदे, शशिकांत उदेक आणि हुजैफा ठाकूर यांनी संघाचे व मार्गदर्शकांचे अभिनंदन केले.